मुंबई : नवीन आठवड्यात आयपीओ बाजारात कमी हालचाल असेल. गुंतवणूकदारांना २७ जानेवारीपासून सुरू होणाऱ्या आठवड्यात फक्त २ नवीन आयपीओमध्ये गुंतवणूक करण्याची संधी मिळेल. यामध्ये एक मेन बोर्ड विभागातील आयपीओ आहे. तर चालू नवीन आठवड्यात ६ कंपन्याचे शेअर्स सूचीबद्ध हाेणार आहे.
मालपाणी पाईप्स अँड फिटिंग्ज आयपीओ हा २५.९२ कोटी रुपयांचा आयपीओ २९ जानेवारी रोजी उघडणार आहे. गुंतवणूकदारांना या आयपीओसाठी ३१ जानेवारीपर्यंत बाेली लावता येईल. कंपनीचे शेअर्स ५ फेब्रुवारी रोजी बीएसई एसएमईवर सूचीबद्ध होतील. किंमत बँड प्रति शेअर ८५-९० रुपये आहे आणि लॉट आकार १६०० शेअर्स आहे.
डॉ. अग्रवाल हेल्थकेअर आयपीओहा आयपीओ २९ जानेवारी रोजी उघडेल आणि ३१ जानेवारी रोजी बंद होईल. यासाठी किंमत पट्टा प्रति शेअर ३८२-४०२ रुपये निश्चित करण्यात आला आहे. कंपनीला आयपीओतून ३,०२७.२६ कोटी रुपये उभारायचे आहेत. हे शेअर्स ५ फेब्रुवारी रोजी बीएसई आणि एनएसईवर सूचीबद्ध होतील.
या कंपन्या सूचीबद्ध हाेणारकॅपिटलनंबर्स इन्फोटेक २७ जानेवारी रोजी बीएसई एसएमईवर सूचीबद्ध होईल. यानंतर, डेंटा वॉटर आणि इन्फ्रा सोल्युशन्सचे शेअर्स २९ जानेवारी रोजी मेनबोर्ड सेगमेंटमध्ये बीएसई आणि एनएसई वर सूचीबद्ध केले जातील. रेक्सप्रो एंटरप्रायझेस त्याच दिवशी एनएसई एसएमईवर सूचीबद्ध होईल. सीएलएन एनर्जीचे शेअर्स ३० जानेवारी रोजी बीएसई एसएमईवर पदार्पण करतील. तर ३१ जानेवारी रोजी बीएसई एसएमईवर एच.एम. इलेक्ट्रो मेक आणि जीबी लॉजिस्टिक्स कॉमर्स सूचीबद्ध केले जातील.
