தமிழ் திரை உலகின் முன்னணி நடிகரான சிவகார்த்திகேயன் தனது 25வது படத்தில் நடித்து வருகிறார். இந்த படத்தை சுதா கொங்கரா தான் இயக்குகிறார். இந்த படத்தில் ரவி மோகன் வில்லன் கதாபாத்திரத்தில் நடிக்கிறார். மேலும் ஸ்ரீலீலா, அதர்வா உள்ளிட்டோர் முக்கிய கதாபாத்திரத்தில் நடிக்கின்றனர். நேற்று இந்த படத்தின் டைட்டில் டீசரை பட குழு வெளியிட்டு இருந்தது.

அதன்படி படத்திற்கு பராசக்தி என பெயரிட்டுள்ளனர். இந்நிலையில் ரசிகர்களுக்கு சர்ப்ரைஸ் கொடுக்கும் விதமாக பட குழு இன்று போஸ்டர் ஒன்றை வெளியிட்டுள்ளது. அந்த புதிய போஸ்டரில் “தமிழ் தீ பரவட்டும்” என்ற வாக்கியம் இடம் பெற்றுள்ளது. இந்த படம் இந்தி மொழி எதிர்ப்பை பேசும் படமாக உருவாகி வருவது குறிப்பிடத்தக்கது.