சேலம் மாவட்டம், ஓமலூரிலிருந்து  சங்ககிரி வரை  4 வழிச்சாலை அமைக்கும் பணி தொடங்கி  நடைபெற்று வருகிறது. இந்நிலையில், சின்னப்பம்பட்டியில் இருந்து கொங்கணாபுரம் செல்லும் வழியில் புதிதாக அமைக்கப்பட்டு வரும் 4 வழிச்சாலைக்கு சாலையின் பக்கவாட்டில் சாலை பணியாளர்கள் இன்று ஜனவரி 31ம் தேதி வெள்ளிக்கிழமை வெள்ளைக்கோடுகள் வரைந்து கொண்டிருந்தனர்.  

அப்போது வெள்ளைக்கோடுகள் வரைவதற்கு பயன்படுத்தப்படும் இயந்திரத்திற்கு பயன்படுத்த வைத்திருந்த சிலிண்டர் திடீரென பயங்கர சத்தத்துடன் வெடித்து சிதறியது.

அதிர்ஷ்டவசமாக இந்த விபத்தில்  தொழிலாளர்கள் அனைவரும் காயம் ஏதுவுமின்றி உயிர் தப்பினர்.இது குறித்த  சிசிடிவி காட்சிகள்  சமூக வலைதளங்களில் வெளியாகி வைரலாகி பார்ப்பவர்களை பெரும்  அதிர்ச்சியில் ஆழ்த்தியுள்ளது.