கேரளாவில் 2017 ஆம் ஆண்டு 11 வயது சிறுமி ஒருவர் பாலியல் வன்கொடுமைக்கு ஆளாகி மர்மமான முறையில் இறந்தார்.  பேத்தி தனது தந்தையின் பாலியல் துன்புறுத்தலால் தூக்குப்போட்டு தற்கொலை செய்து கொண்டதாக சிறுமியின் தாய்வழி தாத்தா போலீசில் புகார் அளித்துள்ளார். மறுபுறம், சிறுமியின் தந்தை வழி தாத்தா மீது புகார் அளித்துள்ளார்.

இதைத் தொடர்ந்து, போலீசார் வழக்குப் பதிவு செய்து விசாரணை நடத்தினர். அதில், பாதிக்கப்பட்ட சிறுமியின் தாய் தனது கணவர் மீது குடும்ப வன்முறை வழக்குப் பதிவு செய்துள்ளார். இதையடுத்து, கணவர் 2015 முதல் வீட்டில் வசிக்கவில்லை என்பது தெரியவந்தது. இதற்கிடையில், பாதிக்கப்பட்ட பெண்ணின் மூத்த சகோதரி நீதிபதி முன் வாக்குமூலம் அளித்தார். அதில், தனது தாய்வழி தாத்தா தன்னையும் தனது சகோதரியையும் பாலியல் வன்கொடுமை செய்ததாக அவர் கூறினார்.

இதையடுத்து, சிறுமியின் தாய்வழி தாத்தாவை போலீசார் கைது செய்தனர். இது தொடர்பான வழக்கு நீதிமன்றத்தில் நிலுவையில் இருந்தது. இந்த நிலையில், இந்த வழக்கு இன்று கொட்டாரக்கரா விரைவு சிறப்பு நீதிமன்ற நீதிபதி மீரா பிர்லா முன் விசாரணைக்கு வந்தது. அப்போது, பாதிக்கப்பட்ட சிறுமியின் தாத்தா குற்றவாளி என அறிவிக்கப்பட்டு தீர்ப்பு வழங்கப்பட்டது. அதில், அவருக்கு மூன்று ஆயுள் தண்டனையும், ரூ.40,000 அபராதமும் விதிக்கப்பட்டது.