தமிழ் சினிமாவின் முன்னணி நடிகராக இருப்பவர் சிம்பு. இவர் இன்று தன்னுடைய பிறந்தநாளை கொண்டாடும் நிலையில் சிம்புவின் அடுத்தடுத்த பட அப்டேட்டுகள் வெளியாகி வருகிறது. நடிகர் சிம்பு மணிரத்தினம் இயக்கத்தில் தக்லைப் படத்தில் நடிக்கும் நிலையில் காலை அந்த படத்தின் ஸ்பெஷல் வீடியோவை சிம்புவுக்கு வெளியிட்டிருந்தனர். இதைத்தொடர்ந்து சிம்பு நடிக்கும் புதிய படத்தின் அறிவிப்பு வெளியாகியுள்ளது. அதன்படி ஓ மை கடவுளே மற்றும் டிராகன் உள்ளிட்ட படங்களை இயக்கியுள்ள அஸ்வத் மாரிமுத்து இயக்கத்தில் தன்னுடைய 51வது படத்தில் அவர் நடிக்க இருக்கிறார்.

தன்னுடைய 49-வது படத்தில் பார்க்கிங் பட இயக்குனர் ராம்குமார் பாலகிருஷ்ணன் இயக்கத்தில் நடிக்கிறார். சிம்புவின் 50-வது படத்தை ராஜ்குமார் பெரியசாமி இயக்குகிறார். இதைத்தொடர்ந்து சிம்புவின் 51-வது படத்தை அஸ்வத் மாரிமுத்து இயக்கும் நிலையில் இந்த படத்திற்கு காட் ஆப் லைவ் என்ற பெயர் வைக்கப்பட்டுள்ளது. இந்தப் படத்தின் போஸ்டரை படக்குழு என்று வெளியிட்டுள்ளது. மேலும் இந்த படத்தை அர்ச்சனா கல்பாத்தி தயாரிக்கும் நிலையில் கோடை விடுமுறையில் படம் வெளியாகும் என்று அறிவிக்கப்பட்டுள்ளது.