तुम्ही फॉर्च्युनर प्रेमी असाल तर तुम्हाला एक प्रश्न नक्की पडला असेल की, टोयोटा फॉर्च्युनरला सनरूफ का देत नाही, त्याची कारणं कोणती. बहुतेक सुरक्षिततेशी संबंधित आहेत ज्याबद्दल बहुतेक लोकांना माहिती नसते. जर तुमच्या मनात प्रश्न असेल की टोयोटा कंपनी या टॉप सेलिंग एसयूव्हीमध्ये सनरूफ का देत नाही, तर पुढे जाणून घ्या.

राजकारणी असो वा सेलिब्रिटी, टोयोटा फॉर्च्युनरची सर्वांमध्ये वेगळीच क्रेझ आहे. ही एक एसयूव्ही आहे जी प्रत्येकाचे स्वप्न असते. पण जवळपास 50 लाखांमध्ये उपलब्ध असलेल्या या एसयूव्हीमध्ये कंपनी सनरूफ का देत नाही, हा प्रश्न जवळपास प्रत्येकाच्या मनात आला असेलच. जर तुमच्या मनात प्रश्न असेल की टोयोटा कंपनी या टॉप सेलिंग एसयूव्हीमध्ये सनरूफ का देत नाही, तर आज आम्ही तुम्हाला त्याबद्दल सविस्तर सांगणार आहोत.

संरक्षण

टोयोटा फॉर्च्युनर ही एक एसयूव्ही आहे जी ऑफ-रोडिंग आणि कठीण परिस्थितीसाठी डिझाइन केलेली आहे. सनरूफमुळे वाहनाचे छत कमकुवत होऊ शकते, ज्यामुळे अपघात झाल्यास प्रवाशांना धोका निर्माण होऊ शकतो.

हवामान

भारतात प्रचंड उष्णता आहे. सनरूफमुळे गाडीच्या आत धूळ आणि उष्णता येऊ शकते, ज्यामुळे प्रवाशांना त्रास होऊ शकतो.

देखभाल

सनरूफ असलेल्या वाहनांची नियमित साफसफाई व दुरुस्ती करणे आवश्यक आहे. टोयोटा फॉर्च्युनर ही कमी देखभाल करणारी गाडी म्हणून ओळखली जाते त्यामुळे त्याला सनरूफ मिळत नाही.

खर्च

सनरूफ लावल्याने वाहनाची किंमत वाढते. टोयोटा फॉर्च्युनर ही आधीच महागडी गाडी आहे, त्यामुळे सनरूफ न दिल्याने किंमत नियंत्रणात राहण्यास मदत होते.

मजबूत आणि विश्वासार्ह वाहन

या सर्व कारणांव्यतिरिक्त टोयोटा फॉर्च्युनर एक मजबूत आणि विश्वासार्ह वाहन म्हणून ओळखली जाते. गाडीची परफॉर्मन्स आणि सेफ्टी वर कंपनीचा जास्त भर असतो, त्यामुळे सनरूफसारख्या फीचर्सचा यात समावेश नाही.

फॉर्च्युनरची किंमत 50 हजारांनी वाढली

टोयोटाने आपल्या लोकप्रिय बिग-साइज एसयूव्ही फॉर्च्युनरची किंमत वाढवली आहे. आती ही किंमत किती रुपयांनी वाढली आहे? याचं उत्तर आम्ही पुढे देत आहोत. टोयोटा फॉर्च्युनरच्या GR-S व्हेरिएंटची किंमत 50 हजार रुपयांनी वाढली आहे. यानंतर, 2.8 डिझेल एमटी 4×2, 2.8 डिझेल एटी 4×2, 2.8 डिझेल एमटी 4×4 आणि 2.8 डिझेल एटी 4×4 च्या किमती 40,000 रुपयांनी वाढल्या आहेत.