मुंबई : गुंतवणुकदारांना आकर्षित करण्यासाठी कंपन्या विविध कॉर्पोरेट लाभाच्या घोषणा करीत असतात. बोनस शेअर असाच एक लाभ असून जो कंपनी मोफत शेअर्सच्या रुपात गुंतवणूकदारांना देत असते. बोनस शेअरचा लाभ घेऊ इच्छिणाऱ्या गुंतवणूकदारांसाठी एक आनंदाची बातमी आहे. गुजरात टूलरूम लिमिटेडने प्रत्येक १ शेअरसाठी ५ शेअर्स बोनस म्हणून देण्याचा निर्णय घेतला होता. आता कंपनीने या बोनस इश्यूसाठी रेकॉर्ड तारीख जाहीर केली असून ती याच महिन्यात आहे. कंपनीच्या शेअर्सची किंमत १५ रुपयांपेक्षा कमी आहे. गुजरात टूलरूमसाठी रेकॉर्ड तारीख कधी?Gujarat Toolroom ने एक्सचेंजला दिलेल्या पत्रव्यवहारात म्हटले की पात्र गुंतवणूकदारांना १ रुपये दर्शनी मूल्याच्या प्रत्येक शेअरसाठी ५ शेअर्स बोनस म्हणून दिले जातील. कंपनीने या बोनस शेअरसाठी मंगळवार, १८ फेब्रुवारी ही रेकॉर्ड डेट निश्चित केली आहे. म्हणजेच, ज्या गुंतवणूकदारांची नावे या दिवशी कंपनीच्या रेकॉर्ड बुकमध्ये असतील त्यांना प्रत्येक शेअरवर ५ शेअर्स बोनस म्हणून दिले जातील. गुजरात टूलरूमच्या शेअर्समध्ये तेजीआज बीएसईमध्ये कंपनीच्या शेअर्समध्ये सुमारे ९ टक्क्यांची मोठी वाढ दिसून येत आहे. शेअर ११.२० रुपयांच्या पातळीवर उघडला. काही काळानंतर, कंपनीच्या शेअर्सची किंमत बीएसईवर ९ टक्क्यांनी वाढून ११.८८ रुपयांच्या पातळीवर पोहोचली. बीएसईमध्ये कंपनीचा ५२ आठवड्यांचा उच्चांक ४५.९७ रुपये आणि ५२ आठवड्यांचा नीचांक १०.१८ रुपये आहे. कंपनीचे बाजार भांडवल २६१.३१ कोटी रुपये आहे.गेल्या एका वर्षात शेअर बाजारात कंपनीची कामगिरी खराब राहिली असून या कालावधीत शेअरची किंमत ६९.४४ टक्क्यांनी घसरली आहे. तर याच काळात सेन्सेक्समध्ये ६.९९ टक्क्यांनी वाढ झाली आहे. कंपनीचे शेअर्स ३ वर्षांपासून धारण केलेल्या गुंतवणूकदारांनी आतापर्यंत ८९१ टक्के नफा कमावला आहे. तसेच, या काळात सेन्सेक्समध्ये ३१ टक्क्यांनी वाढ झाली आहे. एक्सचेंज डेटानुसार कंपनीचे शेअर्स २०२३ मध्ये १० भागांमध्ये विभागले गेले. या शेअर विभाजनानंतर कंपनीच्या शेअर्सचे दर्शनी मूल्य प्रति शेअर १ रुपये इतके कमी झाले.