मुंबई : मिराई अ‍ॅसेट इन्व्हेस्टमेंटच्या सुरंजना बोरठाकूर म्हणतात की एसआयपीचे आकडे उत्साहवर्धक आहेत आणि दुसऱ्या महिन्यातही ते २६,००० कोटी रुपयांपेक्षा जास्त राहिले आहेत. परंतु गुंतवणूकदारांनी अल्पकालीन परतावा किंवा गेल्या एका वर्षातील गुंतवणुकीच्या परताव्याचा विचार करू नये. कारण जेव्हा तुम्हा दीर्घकालीन उद्दिष्ट साध्य करण्यासाठी एसआयपीसाठी वचनबद्ध असता तेव्हा या अस्थिर बाजारपेठांमध्ये गुंतवणूक चालू ठेवणे खूप महत्वाचे आहे. या टप्प्यावर एसआयपी थांबवणे किंवा बंद करणे गुंतवणूकदाराच्या दीर्घकालीन उद्दिष्ट साध्य करण्यासाठी चांगले परिणाम देऊ शकत नाही. प्रश्न - अलिकडच्या काळात बाजारातील विक्री पाहता अशी चिंता होती की कदाचित काही गुंतवणूकदार सध्या बाजारातील हालचालींमुळे चिंताग्रस्त होऊन बाजारापासून लांब जातील. परंतु त्याउलट मध्यम आणि लहान योजनांनी पुन्हा एकदा चांगली कामगिरी केली आहे. जमिनीस्तरावर काय भावना आहे आणि तुम्हाला वाटते का क हा ट्रेंड कायम राहील? सुरंजना बोरठाकूर: पहिली गोष्ट म्हणजे, गेल्या महिन्यात बाजारात तीव्र घसरण होऊनही इक्विटी बाजूने गुंतवणूकीचा प्रवाह मजबूत राहिला आहे, जो दर्शवितो की गुंतवणूकदाराचा आत्मविश्वास अजूनही कायम आहे आणि ही एक सकारात्मक गोष्ट आहे. एकूण AUM थोडी वाढले आहे, परंतु नवीन गुंतवणूकीच्या बाबतीत लिक्विड फंड आणि डेटमधीलही निधी प्रत्यक्षात वाढल्यामुळे हे घडले आहे.इक्विटी बाजूची एकूण संख्या गेल्या महिन्यात ४१,००० कोटींच्या तुलनेत सुमारे ३९,००० कोटी आहे. लार्जकॅप आणि फ्लेक्सिकॅप श्रेणींमध्ये होणारी गुंतवणूक उत्साहवर्धक आहे. लार्जकॅपमध्ये गेल्या महिन्यात निव्वळ निधीचा प्रवाह २००० कोटी रुपयांवरून सुमारे ३००० कोटी रुपयांपर्यंत वाढला आहे. फ्लेक्सिकॅप श्रेणीमध्ये तो ४,७०० कोटी रुपयांवरून सुमारे ५,६०० कोटी रुपयांपर्यंत वाढला आहे.मला वाटते की स्मॉलकॅपमध्येही गुंतवणूक वाढली आहे. मिडकॅप कमी-अधिक प्रमाणात स्थिर आहेत. हा देखील एक चांगला ट्रेंड आहे की कदाचित बाजारातील सर्व गोंधळासोबत गुंतवणूकदारांना प्रोत्साहन मिळत आहे आणि ते दीर्घकालीन विचार करत आहेत. फोकस्ड आणि ईएलएसएस श्रेणींमध्ये देखील गुंतवणूकदारांकडून काही रस दिसून आला आहे आणि त्यामुळेच गुंतवणूकीची रक्कम थोडी वाढली आहे.सेक्टरल फंडांमध्ये कमी झालेली गुंतवणूक चिंतेचा विषय आहे. गेल्या महिन्यात १२ एनएफओमुळे खूप मोठी वाढ झाली असेल. या महिन्यात ही संख्या थोडी कमी होऊन सुमारे ९,००० कोटी रुपयांवर आली आहे कारण या कालावधीत तीन एनएफओनी सुमारे ३,००० कोटी रुपये जमा केले आहेत.दीर्घकालीन विचार केला तर, जर एखाद्याची गुंतवणूक तीन ते पाच वर्षांपेक्षा जास्त असेल, तर क्लायंटच्या जोखीम क्षमतेनुसार, मिड आणि स्मॉलकॅप त्यांच्या पोर्टफोलिओमध्येच राहिले पाहिजे, असे मी मानते.सोन्यातील सध्याची वाढ देखील इंटरेस्टींग आहे. गोल्ड ईटीएफच्या संख्येत लक्षणीय वाढ झाली आहे. शेअर बाजारातील अनिश्चिततेमुळे सुरक्षित गुंतवणूक म्हणून येथील गुंतवणूकही वाढली आहे.