சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.160 உயந்து ஒரு சவரன் தங்கம் ரூ.64,360 க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை சென்னையில் ஆபரண தங்கத்தின் விலை சவரனுக்கு 400 ரூபாய் அதிகரித்து ரூ.63,520க்கும், கிராமுக்கு ரூ.50 உயர்ந்து ரூ.7,940க்கும் விற்பனை செய்யப்பட்டது. செவ்வாய் கிழமை தங்கத்தின் விலை சவரனுக்கு ரூ.240 அதிகரித்து ஒரு சவரன் தங்கம் ரூ.63,760 க்கு விற்பனையானது. புதன் கிழமை சவரனுக்கு ரூ.520 அதிகரித்து ஒரு சவரன் தங்கம் ரூ.64,280 க்கு விற்பனை செய்யப்பட்டது. நேற்று முன் தினம் சவரனுக்கு ரூ.280 அதிகரித்து ஒரு சவரன் தங்கம் ரூ.64,560 க்கு விற்பனையானது. நேற்று சவரனுக்கு ரூ.360 குறைந்து ஒரு சவரன் தங்கம் ரூ.64,200 க்கு விற்பனையானது.

இந்த நிலையில், இன்று தங்கம் விலை குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.160 உயந்து ஒரு சவரன் தங்கம் ரூ.64,360 க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ.20 உயர்ந்து ஒரு கிராம் தங்கம் ரூ.8,045க்கு விற்பனை செய்யப்பட்டு வருகிறது. தங்கம் விலை மீண்டும் அதிகரித்துள்ளதால் இல்லத்தரசிகள் கவலை அடைந்துள்ளனர்.