मार्केट यार्ड, ता. २३ : गुलटेकडी येथील पुणे कृषी उत्पन्न बाजार समितीमध्ये रविवारी (ता. २३) राज्याच्या विविध भागांसह परराज्यांतून सुमारे १०० ट्रक फळभाज्यांची आवक झाली होती. बाजारात आवक जास्त असल्याने आणि मागणी कमी असल्याने कांदा, फ्लॉवर, कोबी, शिमला, मटार, तोतापुरी कैरीच्या भावात १० ते १५ टक्क्यांनी घट झाली. तर उर्वरित भाज्यांची मागणी संतुलित राहिल्याने दर स्थिर असल्याची माहिती व्यापाऱ्यांनी दिली.
विविध भाजीपाल्यांच्या आवकेमध्ये परराज्यांतून कर्नाटक, गुजरात आणि आंध्रप्रदेश येथून हिरवी मिरची सुमारे १४ ते १५ टेम्पो, कर्नाटक आणि गुजरात येथून कोबी ५ ते ६ टेम्पो, कर्नाटक आणि गुजरात येथून घेवडा प्रत्येकी ४ ते ५ टेम्पो, आंध्रप्रदेश, तमिळनाडू येथून शेवगा ५ ते ६ टेम्पो, राजस्थानातून गाजर १० ट्रक आणि मटार सुमारे ९ ते १०, कर्नाटकातून १ टेम्पो भुईमूग शेंगा, कर्नाटकातून पावटा ३ ते ४ टेम्पो, आंध्रप्रदेशमधून तोतापुरी कैरी ५ ते ६ टेम्पो, गुजरात, मध्यप्रदेशातून लसूण सुमारे १७ ते १८ टेम्पो आवक झाली होती. तर स्थानिक भागातून झालेल्या आवकेमध्ये सातारी आले सुमारे ५०० ते ६०० गोणी, भेंडी आणि कोबी प्रत्येकी ७ ते ८ टेम्पो, गवार ५ ते ६ टेम्पो, हिरवी मिरची ४ ते ५ टेम्पो, टोमॅटो १० हजार क्रेट, फ्लॉवर १० ते १२ टेम्पो, काकडी ७ ते ८ टेम्पो , सिमला मिरची १० ते १२ टेम्पो, तांबडा भोपळा १४ ते १५ टेम्पो, कांदा सुमारे १५० ते १६० ट्रक, इंदौर, आग्रा, स्थानिक भागातून बटाटा ४० टेम्पो आवक झाली होती.

फळभाज्यांचे दहा किलोचे भाव ः
कांदा : १८०-२४० बटाटा : १२०- १९० लसूण : २००- ७००, आले सातारी: २५०-३००, भेंडी : ३००-५००, गवार : ६००- ८००, टोमॅटो : ८०- १२०, दोडका : ३००-४००, हिरवी मिरची : ३६०-४५०, दुधी भोपळा : १००-२००, चवळी २००-३००, काकडी : १६०-२००, कारली : हिरवी ३००, पांढरी : २००-२५०, पापडी : ३००-३५०, पडवळ : २००-२५०, फ्लॉवर : ६०-८०, कोबी : ६०- ८०, वांगी : २००-४००, डिंगरी : ३५०-४५० नवलकोल : ७०-८०, ढोबळी मिरची : १५०-३००, तोंडली : कळी : ३००-३५०, जाड : १५०-१६०, शेवगा : ४००-४५०, गाजर : १२०-१८०, वालवर : ३००-३२०, बीट : ८०-१००, घेवडा : ३००, कोहळा : १००- १५०, आर्वी: २००-२५०, घोसाळे : २००-२५०, ढेमसे : ३००-३५०, भुईमूग शेंगा : ७००-७५०, मटार : परराज्य : २२०-३००, पावटा : ४५०-५००, तांबडा भोपळा : १००-१५०, तोतापुरी कैरी : ४००-७००, सुरण : १८०-२००, मका कणीस : ५०-१००, नारळ (शेकडा) : १०००- १६००.
------------------
कोथिंबीर, पालकच्या भावात वाढ
मार्केटयार्डात रविवारी (ता. २३) मेथी, शेपू, कांदापात, राजगिरा, चुका, चवळीच्या भावात घट झाली असून कोथींबीर आणि पालकच्या भावात वाढ झाली आहे तर चाकवत, करडई, पुदीना, अंबाडी आणि मुळ्याचे भाव स्थिर होते. पालेभाज्यांमध्ये कोथिंबिरीची सुमारे ९० हजार जुडी तर मेथीची ६० हजार जुडी आवक झाली होती.
पालेभाज्यांचे शेकड्यातील भाव : कोथिंबीर : ८००-१२००, मेथी : ५००-८००, शेपू : ५००- ७००, कांदापात : ४००-८००, चाकवत : ३००-६००, करडई : ४००-६००, पुदिना : ३००- ५००, अंबाडी : ३००-६००, मुळा : ४००-८००, राजगिरा : ३००- ५००, चुका : ५००-८००, चवळई : ३००-५००, पालक : ५००-१०००,
-----------
कलिंगड आणि खरबुजाच्या भावात घट
फळबाजारात कलिंगड आणि खरबुजाच्या भावात घट झाली आहे. तर लिंबू, अननस, संत्री, मोसंबी, डाळिंब आणि चिक्कूचे भाव स्थिर
असल्याची माहिती व्यापाऱ्यांनी दिली. फळबाजारात मोसंबी ३० ते ३५ टन, संत्री ७० ते ८० टन, डाळिंब १५ ते २० टन, पपई ८ ते १० टेम्पो, लिंबांची सुमारे दीड ते दोन हजार गोणी, कलिंगड ५० ते ६० टेम्पो, खरबूज ४० ते ५० टेम्पो, चिक्कू दोन हजार बॉक्स, अननस ६ ट्रक इतकी आवक झाली होती.
फळांचे भाव पुढीलप्रमाणे - लिंबू (प्रतिगोणी) : ३००-११००, मोसंबी : (३ डझन) : १००-२२०, (४ डझन) : २०-७०, संत्री : (१० किलो) : २००-९००, डाळिंब (प्रतिकिलोस) : भगवा : ८०-२५०, आरक्ता : १०-८०, गणेश : ५-३०, कलिंगड : ७-१०, खरबूज : १२-२०, पपई : १२-२५, चिक्कू (दहा किलो) : १००-
६००, अननस (१ डझन) : १००-६००

----------------
लग्नसराईमुळे फुलांना मागणी
सध्या लग्नसराई सुरु असल्यामुळे फुलांना मागणी चांगली असल्याची माहिती व्यापाऱ्यांनी दिली. दरम्यान उन्हाचा चटका वाढल्याने येत्या काही दिवसात फुलांची आवक कमी होईल असा अंदाजही त्यांनी व्यक्त केला.
फुलांचे प्रतिकिलोचे दर पुढीलप्रमाणे : झेंडू : ३०-६०, गुलछडी : १६०-२३०, अस्टर : जुडी २०-३०, सुट्टा ८०-१५०, कापरी : ३०-५०, शेवंती : ८०-१२०, (गड्डीचे भाव) गुलाबगड्डी : १०-३०, गुलछडी काडी : ४०-८०, डच गुलाब (२० नग) : १२०-२२०, जरबेरा : ३०-५०, कार्नेशियन : २५०-३००, शेवंती काडी २००-४००, लिलियम (१० काड्या) ८००-१०००, आॅर्चिड ३५०- ५००, ग्लॅडिओ (१० काड्या) : ६०-१२०, जिप्सोफिला : १००-३००.