பாகிஸ்தான் அரசு நாட்டில் உள்ள கோயில்கள் மற்றும் குருத்வாராக்களை புதுப்பிக்கவும், அழகுபடுத்தவும் ஒரு 'மாஸ்டர் பிளான்' தயாரித்துள்ளது. இதற்காக பாகிஸ்தான் 1 பில்லியன் ரூபாய் செலவிடும். இந்த முடிவு சனிக்கிழமை எவாக்கியூ டிரஸ்ட் சொத்து வாரியத்தின் (ETPB) கூட்டத்தில் எடுக்கப்பட்டது, இதற்கு வாரியத் தலைவர் சையத் அட்டாவுர் ரஹ்மான் தலைமை தாங்கினார்.

கோயில்கள் மற்றும் குருத்வாராக்கள்

இதுகுறித்து சையத் அட்டாவுர் ரஹ்மான் கூறுகையில், "இந்த திட்டத்தின் கீழ் கோயில்கள் மற்றும் குருத்வாராக்கள் அழகுபடுத்தப்பட்டு, மேம்பாட்டுப் பணிகள் மேற்கொள்ளப்படும். இதற்காக 1 பில்லியன் ரூபாய் பட்ஜெட் ஒதுக்கப்பட்டுள்ளது." மேலும், "சிறுபான்மையினரின் மத வழிபாட்டுத் தலங்களை மேம்படுத்த அதிக நிதி செலவிடப்படுகிறது" என்றார்.

இந்த ஆண்டு ETPB 1 பில்லியன் ரூபாய்க்கு மேல் வருவாய் ஈட்டியுள்ளது என்று ரஹ்மான் தெரிவித்தார். இந்த கூட்டத்தில் நாடு முழுவதிலுமிருந்து இந்து மற்றும் சீக்கிய சமூக பிரதிநிதிகள், அரசு மற்றும் அரசு சாரா உறுப்பினர்கள் கலந்து கொண்டனர். "துறையின் வருவாயை அதிகரிக்க மேம்பாட்டு திட்டத்தில் சில மாற்றங்கள் செய்யப்பட்டுள்ளன, தற்போது அறக்கட்டளை சொத்துக்கள் மேம்பாட்டு பணிகளுக்காக சமர்ப்பிக்கப்பட்டு வருகின்றன" என்று வாரிய செயலாளர் ஃபரீத் இக்பால் கூறினார்.

1 பில்லியன் ரூபாய்

ஃபரீத் இக்பால் கூறுகையில், "நீண்ட காலமாக பயன்படுத்தப்படாமல் இருந்த நிலத்தை மேம்பாட்டு பணிகளுக்கு வழங்குவதன் மூலம் துறையின் வருவாய் பல மடங்கு அதிகரிக்கும்." மேலும், நாடு முழுவதும் உள்ள பல்வேறு கோயில்கள் மற்றும் குருத்வாராக்களை புதுப்பித்து மேம்படுத்த ஒரு திட்ட இயக்குனர் நியமிக்கப்படுவார் என்று கூட்டத்தில் முடிவு செய்யப்பட்டது. இதனுடன், கர்தார்பூர் வழித்தடத்தின் திட்ட மேலாண்மை பிரிவின் செயல்பாட்டு பணிகளுக்காக ஒரு இயக்குனரை நியமிக்கவும் முடிவு செய்யப்பட்டது.