நடப்பு கல்வியாண்டு முதல் சிபிஎஸ்இ 10ம் வகுப்புக்கு 2 பொதுத்தேர்வு நடைபெறும் என அறிவிக்கப்பட்டுள்ளது. மத்திய கல்வி அமைச்சர் தர்மேந்திர பிரதான் தலைமையில் நடந்த கூட்டத்தில் முடிவு எடுக்கப்பட்டுள்ளது.

மாணவர்கள் வாரியத் தேர்வுகளில் தங்கள் செயல்திறனை மேம்படுத்திக் கொள்ள ஒரு வாய்ப்பு வழங்கப்பட வேண்டும் என்று தேசிய கல்விக் கொள்கை, 2020 பரிந்துரைத்துள்ளது. 

மத்திய கல்வி அமைச்சர் தர்மேந்திர பிரதான் தலைமையில் நடந்த  கூட்டத்தில்,

1) பத்தாம் வகுப்பில், 2025-2026 லிருந்து இரண்டு வாரியத் தேர்வுகள் நடத்தப்படும்.

2) அதற்கான வரைவுக் கொள்கையை உருவாக்க வேண்டும்.

3) இந்த வரைவுக் கொள்கை அனைத்து பங்குதாரர்களிடமிருந்தும், அதாவது பள்ளிகள், ஆசிரியர்கள், பெற்றோர்கள், மாணவர்கள் மற்றும் பிறரிடமிருந்து (பொது மக்கள்) பதில்களைப் பெற சிபிஎஸ்இ இணையதளத்தில் வெளியிடப்படும். அதன்படி, வரைவுக் கொள்கை பரந்த விவாதங்களுக்குப் பிறகு உருவாக்கப்பட்டு, CBSE இணையதளமான https://cbse.gov.in இல் பதிவேற்றப்பட்டுள்ளது

என்பன உள்ளிட்ட தீர்மானங்கள் விவாதிக்கப்பட்டன.