रविवारी (2 मार्च) रोजी झालेल्या सामन्यात रोहित शर्माच्या (Rohit Sharma) नेतृत्वाखालील भारतीय संघाने न्यूझीलंडचा 44 धावांनी उडवला. दरम्यान कर्णधार म्हणून रोहित शर्माने आयसीसी स्पर्धांमध्ये न्यूझीलंडविरूद्ध 3-0 असा विजय मिळवला. तत्पूर्वी काँग्रेसच्या राष्ट्रीय प्रवक्त्या शमा मोहम्मद (Shama Mohamed) यांनी भारतीय क्रिकेट संघाचा कर्णधार रोहित शर्माला ‘जाड’ म्हटले, त्यानंतर एकच गोंधळ उडाला. भाजपने याला बॉडी शेमिंग म्हटले आहे.

रोहित शर्माला ‘जाड’ म्हणत शमा मोहम्मद म्हणाली होती, “रोहित शर्मा खेळाडू म्हणून जाड आहे. त्याला वजन कमी करायचे आहे. तसेच, तो भारतीय संघाचा आतापर्यंतचा सर्वात निराशाजनक कर्णधार आहे.” दुसऱ्या पोस्टमध्ये ती म्हणाली, “गांगुली, तेंडुलकर, द्रविड, धोनी, कोहली, कपिल देव, शास्त्री यांसारख्या माजी खेळाडूंच्या तुलनेत त्याच्यात असे काय खास आहे? तो एक सरासरी कर्णधार आहे आणि त्याचबरोबर एक सरासरी खेळाडू आहे ज्याला भारताचा कर्णधार होण्याचा मान मिळाला आहे.”

काँग्रेसचे मीडिया प्रभारी पवन खेरा म्हणाले, “इंडियन नॅशनल काँग्रेसच्या राष्ट्रीय प्रवक्त्या डॉ. शमा मोहम्मद यांनी एका क्रिकेट दिग्गजावर केलेले भाष्य पक्षाच्या अधिकृत भूमिकेचे प्रतिनिधित्व करत नाही. त्याला एक्सशी संबंधित सोशल मीडिया पोस्ट काढून टाकण्याचे निर्देश देण्यात आले आहेत आणि भविष्यात अधिक सावधगिरी बाळगण्याचा सल्लाही देण्यात आला आहे.

यावर भाजपचे प्रवक्ते शहजाद पूनावाला यांनी तीव्र प्रतिक्रिया व्यक्त केली आणि म्हणाले, “राहुल गांधींच्या नेतृत्वाखाली 90 निवडणुका हरलेले लोक रोहित शर्माच्या नेतृत्वाला कुचकामी म्हणत आहेत. दिल्लीत 6 वेळा शून्यावर बाद होणे आणि 90 वेळा निवडणुका हरणे हे प्रभावी आहे पण टी20 विश्वचषक जिंकणे हे प्रभावी नाही असे मला वाटते. तसे, कर्णधार म्हणून रोहितचा ट्रॅक रेकॉर्ड उत्कृष्ट आहे.”

महत्त्वाच्या बातम्या-

Champions Trophy: विराट कोहली अक्षर पटेलच्या पाया का पडला? कारण काय?
न्यूझीलंड विजयाच्या वाटेवर तोच ‘बापू’चा चेंडू फिरला आणि किवीचा खेळ संपला..!
भारताची विजयी हॅट्ट्रिक; न्यूझीलंडला हरवले, आता ऑस्ट्रेलियाशी लढत