Satish Bhosale News : सतीश भोसलेच्या घरावर बुलडोझर
आमदार सुरेश धस यांचा गुंड कार्यकर्ता सतीश भोसलेला बीड पोलिसांनी अटक केली आहे. आता वन विभागाकडून त्याच्याविरोधात मोठी कारवाई केली जाणार आहे. वन विभागाच्या जमिनीवर असलेल्या त्याच्या घरावर बुलडोझर चालविण्यात आले. हे घर बुलडोझरने पाडण्यात आले. हे घर अनधिकृतपणे बांधण्यात आले होते.
Eknath Khadse : नातीची छेडछाड, तीन फरार, आरोपींना पोलिसांना पाठबळ; एकनाथ खडसेंचा गंभीर आरोपछेडछाड प्रकरणातील आरोपी फरार आहेत, त्यांना स्थानिक नेत्याचे संरक्षण आहे. त्याचबरोबर पोलिसांशी यांचे जिव्हाळ्याचे संबंध आहेत. त्यामुळे पोलिस त्यांना जाणीवपूर्वक अटक करण्यास टाळाटाळ करत असल्याचा आरोप ज्येष्ठ नेते एकनाथ खडसे यांनी केला आहे.
Radhakrishna Vikhe : जयंत पाटलांचा सूचक पवारसाहेबांना सूचक इशारा दिलाय; मंत्री विखेंनी 'टायमिंग' साधलं'माझ्यावर विश्वास ठेवू नका माझं काही खरं नाही', राष्ट्रवादी काँग्रेस पार्टी शरदचंद्र पवार पक्षाचे प्रदेशाध्यक्ष जयंत पाटील यांच्या या विधानाने पुन्हा एकदा राज्यातील भूकंपाची शक्यता वर्तवली जात आहे. यावरून भाजप मंत्री राधाकृष्ण विखे यांनी 'टायमिंग' साधत शरद पवार यांनी डिवचलं आहे. "जयंत पाटलांचा कदाचित शरद पवारांना सूचक असा इशारा दिलेला दिसतो आहे. पवारांनी सतर्क राहण्याची गरज आहे", असा मंत्री विखेंनी म्हटलं आहे.
Raksha Khadse : केंद्रीय मंत्री खडसे यांच्या मुलीच्या छेडछाड प्रकरणातील तीन आरोपी अद्याप फरारकेंद्रीय मंत्री रक्षा खडसे यांच्या मुलीसह काही मुलींची मुक्ताईनगर तालुक्यातील कोथळी गावातील संत मुक्ताई यात्रेमध्ये टवाळखोरांनी छेडछाड केल्याचा संतापजनक प्रकार घडला होता. या प्रकरणात सात जणांविरोधात पोक्सो अंतर्गत गुन्हा दाखल झालेला आहे. सात जणांपैकी तीन जणांना अटक केली असली तरी अद्यापही उर्वरित आरोपी पसार आहेत. एक अल्पवयीन मुलगा बालसुधारगृहात आहे.
Vijay Wadettiwar : जयंत पाटलांची अलिकडे नाराजी जाणवते, फक्त अंदाज बांधू शकतो; विजय वडेट्टीवार यांची प्रतिक्रियाजयंत पाटील एका पक्षाचे मोठे नेते आहेत. त्यांच्या बोलण्यातून नाराजी जाणवते. त्यांच्या बोलण्याचा नेमका अर्थ काय? आपण फक्त अंदाज बांधू शकतो, अशी प्रतिक्रिया काँग्रेस नेते विजय वडेट्टीवार यांनी दिली.
Anil Bonde : हलाल सर्टिफिकेशन असलेल्या प्रत्येक वस्तूवर हिंदू ग्राहकांनी बहिष्कार टाकावाहलाल सर्टिफिकेशन असलेल्या खाद्यपदार्थात काय मिसळलं जातं हे तपासण्याची गरज आहे. हलाल सर्टिफिकेशनसाठी कंपन्यांकडून वसूल केल्या जाणाऱ्या पैशाचं पुढे काय होते? त्याचा वापर कुठे होतो? या गौडबंगालाचा शोध सरकारने घ्यावा, अशी मागणी भाजप खासदार अनिल बोंडे यांनी केली आहे.
Swabhimani Shetkari Sanghatana : स्वाभिमानी शेतकरी संघटनेकडून राज्याच्या अर्थसंकल्पाची व शक्तिपीठ अधिसूचनेची होळीमहाराष्ट्रातल्या शेतकऱ्यांची संपूर्ण कर्जमुक्ती तात्काळ करावी तसेच शक्तिपीठ महामार्ग रद्द करावा, या प्रमुख मागण्यासाठी आज स्वाभिमानी शेतकरी संघटनेकडून राज्याच्या अर्थसंकल्पनाच्या प्रतीची होळी करून होळीच्या भोवती सरकारच्या विरोधात बोंबा मारत सरकारचा निषेध करण्यात आला.
Radhakrishna Vikhe Patil : संगमनेरमध्ये पालकमंत्री राधाकृष्ण विखे पाटील यांच्यासमोर धक्काबुक्कीराधाकृष्ण विखे पाटील हे संगमनेरच्या दौऱ्यावर होते. संगमनेर नगरपालिकेत विखे पाटील यांनी आढावा बैठक घेतली हेाती. त्या बैठकीत छात्रभारती संघटनेचे कार्यकर्ते पालकमंत्री विखे पाटील यांना निवेदन देण्यासाठी आले होते. त्या वेळी छात्रभारतीच्या कार्यकर्त्यांनी मंत्री नीतेश राणे यांच्या विरोधात घोषणाबाजी केली. राणे यांचा राजीनामा घेण्याची मागणी त्यांनी केली होती, घोषणाबाजीनंतर गोंधळ वाढत गेला. त्यात महायुतीच्या कार्यकर्त्यांनी छात्रभारतीच्या कार्यकर्त्यांना धक्काबुक्की केली. हा प्रकार विखे पाटील यांच्यासमोर घडला
Dhananjay Munde : ....तर सरकार संशयाच्या भोवऱ्यात येणारधनंजय मुंडे 302 च्या गुन्ह्यात शंभर टक्के येणार आहे, ही गोष्ट सर्वांना आता कळते आहे. पुरवण्या दोषारोपापत्रात ते सहआरोपी म्हणून येणार. ते जर आले नाही तर सरकार संशयाच्या भोवऱ्यात येणार, असे विधान मनोज जरांगे पाटील यांनी केले.
Krushna Andhale : तो कृष्णा आंधळे नाहीच, नाशिक पोलिसांचे स्पष्टीकरणकाही दिवसांपूर्वी कृष्णा आंधळे हा नाशिकमधील गंगापूर येथे फिरत असल्याचे माहिती काही नागरिकारांनी दिली होती. त्यावर नाशिक पोलिसांनी चौकशी करून स्पष्टीकरण दिलं आहे. तो कृष्णा आंधळे नसल्याचे पोलिसांनी स्पष्ट केले आहे.
विधान परिषदेसाठी राष्ट्रवादीकडून नावांवर चर्चाविधान परिषदेच्या एका जागेसाठी राष्ट्रवादी काँग्रेस पक्षाच्या झीशान सिद्दिकी यांचं नाव आघाडीवर असल्याचे समजते. पक्षातील काही नेत्यांनी सिद्दिकी यांच्या नावाला विरोध केल्याची माहिती समोर आली आहे. विधानसभेत पराभूत झालेल्या उमेदवाराला पुन्हा संधी नको अशी भूमिका काही नेत्यांनी घेतली आहे.
सांडू दादा खिंडकर पोलिसांच्या ताब्यातधनंजय देशमुख यांचे साडू दादा खिंडकर हे पोलिसांना शरण आले आहेत. खिंडकर हे एका व्यक्तीला मारहाण करीत असल्याचा व्हिडिओ बुधवारी व्हायरल झाला होता, त्यांनंतर पोलिसांनी ही कारवाई केली. पिंपळनेर पोलिसांनी ही कारवाई केली आहे,
Pune Metro: पुणे मेट्रो उद्या बंद राहणारराज्यात आज होळी साजरी होत आहे. यानिमित्ताने पुणे मेट्रोकडून विशेष आवाहन करण्यात आले आहे. पुणे मेट्रोकडून विशेष आवाहन करण्यात आले आहे. उद्या १४ मार्च रोजी सकाळी ६.०० ते दुपारी ३.०० या वेळेत पुण्यात मेट्रो सेवा बंद राहणार आहे. दुपारी ३:०० ते रात्री ११:०० या वेळेत पुणे मेट्रोची प्रवासी सेवा नियमित सुरु असेल. याबाबत पुण्याचे खासदार मुरलीधर मोहोळ यांनी टि्वट करीत माहिती दिली आहे.
पुण्यातील खराडी भागात असणाऱ्या एका हॉटेलमध्ये घुसून टोळक्याने हॉटेलची तोडफोड केल्याची घटना समोर आली आहे. शिवाय या टोळक्याने हॉटेल मालकाला देखील बेदम मारहाण केली आहे. बुधवारी रात्रीच्या 10 च्या सुमारास ही घटना घडली आहे.
Satish Bhosale Arrest Live : सतीश भोसलेचा ताबा बीड पोलिसांनी घेतलाबीडवरून प्रयागराज गेलेल्या पोलिस पथकाने खोक्या उर्फ सतीश भोसलेचा ताबा घेतला आहे. प्रयागराजच्या एअरपोर्ट पोलिस ठाण्यातून हा ताबा घेण्यात आला आहे. ताबा घेतल्यानंतर आज अकरा वाजता प्रयागराज न्यायालयासमोर खोक्याला हजर केलं जाणार आहे. तर त्यानंतर त्याला बीडमध्ये आणण्यात येण्याची शक्यता आहे.
Satish Wagh Murder Case : योगेश टिळेकर यांचे मामा सतीश वाघ यांच्या हत्येसाठी जादूटोण्याचा प्रयोगआमदार योगेश टिळेकर यांचे मामा सतीश तात्याबा वाघ यांच्या हत्येचा मुख्य सूत्रधार अक्षय जावळकर असून त्याला हे कृत्य करण्यास मोहिनी वाघनेच प्रवृत्त केल्याचं पोलिसांच्या तपासात उघडकीस आलं आहे. धक्कादायक बाब म्हणजे सतीश यांचा काटा काढण्यासाठी जादूटोण्याचा प्रयोग केल्याची माहिती आरोपपत्रातून समोर आली आहे. लष्कर न्यायालयात नुकतेच एक हजार पानांचे दोषारोपपत्र गुन्हे शाखेकडून दाखल करण्यात आले आहे. यामधून ही माहिती उघडकीस आली आहे. सतीश वाघ यांचा 9 डिसेंबर 2024 रोजी सकाळी साडेसातच्या सुमारास अपहरण करून पंधरा मिनिटांतच तब्बल 72 वार करून खून करण्यात आला होता. त्यानंतर त्यांचा मृतदेह शिंदवणे घाटात फेकून देण्यात आला होता.
Satish Bhosale Arrest : खोक्याची तडीपारी निश्चित...भाजप आमदार सुरेश धसांचा कार्यकर्ता सतीश भोसले उर्फ खोक्याच्या मुसक्या पोलिसांनी आवळल्या आहेत. त्याला प्रयागराजमधून अटक केली आहे. खोक्याने केलेल्या मारहाणीचे काही व्हिडिओ व्हायरल झाले होते. त्यानंतर त्याच्यावर गुन्हा दाखल झाला. मात्र, गुन्हा दाखल झाल्यापासून तो फरार होता. अखेर पोलिसांनी त्याला प्रयागराज येथून अटक केली आहे. तर आज त्याला प्रयागराज कोर्टात हजर करणार आहेत. तर बीड कोर्टापुढे हजर होण्याआधी त्याची तडीपारी निश्चित मानली जात आहे.
