२ मार्च २००१ रोजी विग्नेशचा केरळमधील मलप्पुरम जिल्ह्यातील पेरिंथलमन्ना येथे जन्म झाला. तो अष्टपैलू खेळाडू असून तळात फलंदाजी करतो, तर डाव्या हाताने फिरकी गोलंदाजी करतो. त्याचे वडील सुनील कुमार हे रिक्षा चालक आहेत, तर आई केपी बिंदू या गृहिणी आहेत.

असे असतानाही घरी जरी आर्थित चणचण असली, तरी त्यांनी विग्नेशला क्रिकेटमध्ये करियर करण्यासाठी प्रोत्साहन दिले. दरम्यान, क्रिकेटमध्ये करिकर करत असतानाही त्याने शिक्षणाकडे दुर्लक्ष केलेलं नाही. तो पेरिंथलमन्ना येथील पीटीएम गव्हरमेंट कॉलेजमधून साहित्यात पदव्युत्तर शिक्षण घेत आहे.

त्याच्यासाठी केरळ प्रीमियर लीगमध्ये पहिल्या हंगाम खास राहिला. कारण इथूनच त्याच्या कारकिर्दीला नवे वळण मिळाले आहे. त्याने या हंगामात तीन सामने खेळताना २ विकेट्स घेतले होते.

दरम्यान, अद्याप त्याचे केरळच्या वरिष्ठ संघाकडून पदार्पण झालेलं नाही. पण तो वयोगटातील क्रिकेट केरळ संघाकडून खेळला आहे. तो तामिळनाडू प्रीमियर लगीमध्येही खेळला होता.

मिडिया रिपोर्ट्सनुसार सुरुवातीला मध्यमगती गोलंदाजी करणाऱ्या विग्नेशला स्थानिक क्रिकेटपटू मोहम्मद शरिफने लेग स्पिन टाकण्याचा सल्ला दिला, ज्याचा त्याला नंतर फायदा झाला. त्याने नेट्समध्ये केरळच्याच असलेल्या संजू सॅमसनलाही नेट्समध्ये गोलंदाजी केली आहे.

आता तो मुंबई इंडियन्ससाठी नवा स्टार झाला असून त्याच्याकडे अनेकांचे लक्ष यापुढे असणार आहे.