Beed News: बीडचे जिल्हा शल्यचिकित्सक डॉक्टर अशोक थोरात यांचे निलंबन

बीडचे जिल्हा शल्यचिकित्सक डॉक्टर अशोक थोरात यांचे निलंबन करण्यात आले आहे. कोविड काळात त्यांनी केलेल्या गैरव्यवहाराबाबत भाजप आमदार नमिता मुंदडा यांनी अधिवेशनात लक्षवेधी मांडली. त्याला उत्तर देताना आरोग्यमंत्री प्रकाश आंबेडकर यांची थोरात यांचे निलंबन केल्याचे विधिमंडळात जाहीर केले. त्यांची तीन महिन्यात विभागीय चौकशी करण्यात येणार असल्याचे त्यांनी सांगितले.

Prashant Koratkar News: कोरटकरच्या विरोधात शिवप्रेमी आक्रमक

कोरटकरला अटक होताच त्याचा निषेध करण्यासाठी शिवप्रेमी आक्रमक झाले आहेत. शिवप्रेमींनी जुना राजवाडा पोलीस ठाण्याकडे धाव घेत आहेत. छत्रपती शिवाजी महाराज यांचा अवमान कदापी आम्ही सहन करणार नाही. त्याला आम्हीच शासन करू. पोलिसांनी त्याच्यावर कडक कारवाई करावी. या मागणीसाठी शिवप्रेमी आक्रमक झाले आहेत

Prashant Koratkar News : कोरटकर-पोलिसामध्ये बाचाबाची

प्रशांत कोरटकर याला कोर्टात हजर करण्यात येणार आहे. त्याचा निषेध करणाऱ्या शिवप्रेमीना पोलिसांनी अडवले आहे. यावेळी पोलिस आणि शिवप्रेमी यांच्यात शाब्दिक बाचाबाची झाली.आज (ता. 25) त्याला न्यायालयात दुपारी 12.30 वाजता हजर केलं जाण्याची शक्यता आहे. सध्या येथे तगडा पोलिस बंदोबस्त ठेवण्यात आला आहे.

Sanjay Raut live: माझा आणि कुणाल कामरा याचा DNA सारखाच

कुणाल कामरा यांच्यासोबतचा संजय राऊत यांचा फोटो विरोधकांनी प्रसिद्ध केल्यानंतर त्यावर राऊतांनी स्पष्टीकरण दिले आहे. मी अनेकदा त्याच्या शोसाठी गेलो आहे. कुणाल कामरासोबत माझे संबंध आहेत. त्याचा आणि माझा डीएनए सारखा आहे, असे राऊत यांनी म्हटलं आहे.

Kunal Kamra live: कुणाल कामरा हाजीर हो!

खार पोलिसांनी स्टँडअप कॉमेडियन कुणाल कामरा याला समन्स बजावलं आहे. कुणाल कामरा यांच्या कुटुंबियांकडे खार पोलिसांनी समन्स दिले आहे. कुणाल याला व्हॅाटस्अँपवरुन पोलिसांनी हे समन्स पाठवले आहे. आज सकाळी अकरा वाजता चौकशीसाठी हजर राहावे, असे पोलिसांनी समन्समध्ये म्हटलं आहे.

Manikrao Kokate News : फडणवीसांनी आपल्या मंत्र्याचे प्रताप थांबवावा, राष्ट्रवादीच्या नेत्याचा कोकाटे यांच्यावरून हल्लाबोल

कृषिमंत्री माणिकराव कोकाटे यांच्या आदेशाने महात्मा फुले कृषी विद्यापीठाची पुण्यातील हेरिटेज इमारतीत तोडफोड करून नवीन लक्झरी कार्यालय तयार करण्याचा घाट घातला जात आहे. असा आरोप राष्ट्रवादी शरद पवार पक्षाच्या पुणे शहराध्यक्ष प्रशांत जगताप यांनी केला आहे. तर मुख्यमंत्री फडणवीस यांनी आपल्या मंत्र्याचे प्रताप थांबवावा, अन्यथा उच्च न्यायालयात जावू असाही इशारा म्हणून जगतापांनी दिला आहे.

Devendra Fadnavis : 2014 मध्ये युती का तुटली? अखेर 10 वर्षांनी फडणवीसांनी सांगितलं कारण?

2014 मध्ये शिवसेना आणि भाजपची युती तुटली आणि राज्यात महाविकास आघाडीचे सरकार आले. जे अडीच वर्ष चालले. यानंतर एकनाथ शिंदे आणि भाजपच्या महायुतीचे सरकार सत्तेवर आले. पण युती का तुटली असा प्रश्न अनुत्तीर्णच होता. याला आता 10 वर्षांनंतर राज्याचे मुख्यमंत्री देवेंद्र फडणवीस यांनी उत्तर दिले असून युती का तुटली, याची इनसाइड स्टोरी सांगितली. तर फक्त चार जागांवरून युती तुटल्याचा राजकीय गौप्यस्फोट फडणवीस यांनी केला आहे.

Prashant Koratkar News : प्रशांत कोरटकर याला दुपारी 12.30 वाजता न्यायालयात हजर केलं जाण्याची शक्यता

छत्रपती शिवाजी महाराज, छत्रपती संभाजी महाराज यांचा अपमान करणाऱ्या प्रशांत कोरटकरला तेलंगणातून अटक करण्यात आली आहे. कोरटकरने इतिहास संशोधक इंद्रजित सावंत यांनाही धमकी दिली होती. आज (ता. 25) त्याला न्यायालयात दुपारी 12.30 वाजता हजर केलं जाण्याची शक्यता आहे. सध्या येथे तगडा पोलिस बंदोबस्त ठेवण्यात आला आहे.

Bribe News : कराडचे कार्यमुक्त मुख्याधिकारीच लाच घेताना सापडले, मागणी 10 लाखांची घेतले 5 लाख

कराडचे कार्यमुक्त मुख्याधिकारी शंकर खंदारे लाच घेताना सापडले. त्यांना पाच लाख रुपये स्वीकारताना रंगेहात लाचलुचपतच्या पथकाने पकडले. शंकर खंदारे यांनी दहा लाख रुपयाची लाचेची मागणी केली होती. दरम्यान पाच दिवसांपूर्वीच राज्यपालांच्या आदेशाने त्यांना कार्यमुक्त केले होते.

Beed Crime Satish Bhosale News : पोलिसांकडून खोक्या भाईची शाही बडदास्त? दोन पोलिसांचे निलंबन

सतीश भोसले उर्फ खोक्या भाईला शाही बडदास्त देण्याचे प्रकरण बीड पोलिसांच्या अगंलट आले आहे. खोक्याभाईला खायला बिर्याणी आणि हात धुवायला पाण्याची बाटली देण्याची देण्याच्या कारणावरून दोन पोलिसांचे निलंबन करण्यात आले आहे.

Beed Crime Satish Bhosale News : पोलिसांकडून खोक्या भाईची शाही बडदास्त?

सतीश भोसले उर्फ खोक्या भाईवर मारहाणीचे गंभीर गुन्हे दाखल असून सध्या तो तरूणांत आहे. पण याची भाईगिरी येथेही जोमात सुरू असून खोक्या भाईची शाही बडदास्त पोलिसच राखत असल्याचे समोर आले आहे. पोलिसच त्याला खायला बिर्याणी आणि हात धुवायला पाण्याची बाटली देत असून आजुबाजूला नातेवाईकांचा गराडा असणारा व्हिडिओ व्हायरल झाला आहे. यामुळे आता बीड पोलिसांच्या विश्वासर्हतेवर प्रश्नचिन्ह उपस्थित होतोय.

Nagpur Violence News : नागपूर हिंसाचार प्रकरणी आणखी तिघांना अटक

नागपूर हिंसाचार प्रकरणी आणखी तिघांना पोलिसांनी अटक केली असून आरोपीची संख्या आता 113 वर पोहोचली आहे. ज्यामध्ये 12 अल्पवयींनांचा समावेश आहे. या तीनही आरोपींना न्यायालयाने तीन दिवस पोलीस कोठडीत रवानगी करण्यात आली असून याच्याआधी 36 जणांना देण्यात आलेली पोलीस कोठडी आज संपली आहे. यासर्वांना आता न्यायालयीन कोठडी सुनावण्यात आली आहे.

kunal kamra News : कॉमेडियन कुणाल कामराचा माफी मागण्यास नकार

राज्याचे उपमुख्यमंत्री एकनाथ शिंदे यांच्या बंडावर भाष्य करून वादाच्या भोवऱ्यात कॉमेडियन कुणाल कामरा सापडला आहे. त्याच्या स्टुडिओची देखील तोडफोड शिवसैनिकांनी केली आहे. तर त्याने माफी मागावी अशी मागणी शिवसैनिकांची आहे. यावरून कुणाल कामराने आपण माफी मागणार नाही अशी ठाम भूमिका घेतली असून याबाबत सोशल मीडियावर पोस्ट केली आहे. तर राजकारण्यांची खिल्ली उडवणं कायद्याविरोधात नसल्याची भूमिका ही त्याने घेतली असून तपास यंत्रणा, कोर्टाला सहकार्य करणार असून आपण धमक्यांना घाबरत नसल्याचं कुणाल कामराने म्हटलं आहे.

Prashant Koratkar News : छत्रपतींचा अपमान करणाऱ्या कोरटकरला आज न्यायालयात हजर करणार

छत्रपती शिवाजी महाराज, छत्रपती संभाजी महाराज यांचा अपमान करणाऱ्या प्रशांत कोरटकरला तेलंगणातून अटक करण्यात आली आहे. कोरटकरने इतिहास संशोधक इंद्रजित सावंत यांनाही धमकी दिली होती. त्याच्यावर कोल्हापुरात गुन्हा नोंद करण्यात आला आहे. आज (ता. 25) त्याला न्यायालयात हजर केलं जाणार असून तगडा पोलिस बंदोबस्त ठेवण्यात आला आहे.

Ajit Pawar VS Sharad Pawar : राष्ट्रवादी कोणाची? आज सर्वोच्च न्यायालयात होणार निर्णय

राज्यात शिवसेनेत पडलेल्या फुटीमुळे अनेकांना धक्का बसला असतानाच राष्ट्रवादी काँग्रेसमध्ये देखील अजित पवार यांनी बंडखोरी करत पक्ष फोडला. आता राष्ट्रवादी कोणाची? यावरून कायदेशीर लढाई सुरू असून आज (ता.25) सर्वोच्च न्यायालयात सुनावणी होणार आहे. ही सुनावणी दुपारी 12 वाजल्यानंतर होणार असून निर्णय येण्याची शक्यता आहे.