आताताईपणाची भूमिका घेऊ नये; आम्ही सहन करणार नाही... होळकरांचा इशारा

वाघ्या कुत्र्याच्या शिल्पाचा मुद्दा हा कोणीही जाती अस्मितेचा मुद्दा करू नये. काही संघटना आताताईपणे तो पुतळा पाडू, तो पुतळा काढून टाकू अशी भूमिका घेत आहेत. मात्र अशा आताताईपणाची भूमिका कोणत्याही संघटनेने घेऊ नये ते आम्ही सहन करणार नाही असा इशारा भुषणसिंह होळकर यांनी दिला आहे.

लाडक्या बहिणींच्या 2100 रुपयांचे काय? कर्जमाफीचे काय? अधिवेशन संपताच ठाकरेंचे सवाल

अर्थसंकल्पीय अधिवेशन संपताच शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी फडणवीस सरकारवर ताशेरे ओढले. अत्यंत निरर्थक आणि निराशवादी अर्थसंकल्प झाला. असे अधिवेशन नजीकच्या काळात तरी झाले नसेल. कबरीपासून कामरापर्यंत एवढेच मुद्दे या अधिवेशनात गाजले. लाडक्या बहिणींच्या 2100 रुपयांचे काय? कर्जमाफीचे काय झाले? असे सवाल ठाकरेंनी केले.

Mumbai live: आमदारानं सिलेंडर रस्यावर फेकले

Mumbai : मुंबईत आमदार दिलीप लांडे यांनी रस्त्यावर गाडी अडवून सिलेंडर रस्त्यावर फेकले धारावीत गाडीतील सिलेंडर ब्लास्ट नंतर हा प्रकार घडला आहे.

Kolhapue News : प्रशांत कोरटकरच्या छातीत कळा?

प्रशांत कोरटकरच्या छातीत कळा छत्रपती शिवाजी महाराज,छत्रपती संभाजी महाराज यांच्याबाबत वादग्रस्त विधान करणारा प्रशांत कोरटकर सध्या पोलिसांच्या ताब्यात आहे. बुधवारी मध्यरात्री त्याची वैद्यकीय तपासणी करण्यात आली, त्यावेळी त्याच्या छातीत कळा येत असल्याचे त्याने सांगितले. कोरटकर याला पुन्हा वैद्यकीय तपासणीसाठी पाठविण्यात आले आहे.

Maharashtra Assembly : विधिमंडळाच्या विविध समित्या जाहीर

विधानसभा 2024-25 या वर्षासाठी विधान मंडळाच्या विविध समित्या जाहीर करण्यात आल्या आहेत. विधानसभा सदस्यांची विविध समितीवर नावांची नियुक्ती करण्यात आली आहे. विधान मंडळाच्या माजी सदस्यांच्या निवृत्तीवेतनाबाबत संयुक्त समितीचे प्रमुख म्हणून अजित पवार यांची नियुक्ती करण्यात आली आहे. रोजगार हमी योजना समिती प्रमुख म्हणून सुनील शेळके यांची नियुक्ती करण्यात आली आहे.अल्पसंख्याक कल्याण समितीवर अंधेरी पूर्व विधानसभा मतदारसंघाचे आमदार मुरजी पटेल यांची समिती प्रमुख म्हणून नियुक्ती करण्यात आली आहे.

Raigad News: होळकरांचे वंशज भूषणसिंह होळकर आज भूमिका स्पष्ट करणार

रायगडावरील वाघ्या कुत्र्याच्या समाधीला माजी खासदार संभाजी राजे यांनी विरोध केला आहे. मात्र, संभाजी भिडे गुरुजींकडून वाघ्या कुत्र्यांच्या समाधीचं समर्थन केले आहे. या वादावर आज होळकरांचे वंशज भूषणसिंह होळकर आपली भूमिका स्पष्ट करणार आहेत.

DCM Eknath Shinde : एकनाथ शिंदे यांच्या व्यंगचित्राचे पुण्यात होल्डिंग? गुन्हा दाखल

उपमुख्यमंत्री एकनाथ शिंदे यांच्यावरील व्यंगात्मक गाण्याने सगळं राजकीय वातावरण तापलं आहे. अशातच आता शिंदे यांच्या व्यंगचित्राचे पुण्यात होल्डिंग लावण्यात आल्याचे समोर आले आहे. याप्रकरणी गुन्हा नोंद करण्यात आला असून पुण्यातील अलका चौकात हे होर्डिंग लावण्यात आले आहे. तर रिक्षा, गुवाहाटी, दाडी, चष्मा आणि गद्दार या शब्दाला महाराष्ट्रात बंदी आहे का? असा सवाल करण्यात आला आहे. या होर्डिंगची चर्चा दिवसभर शहरात रंगल्यानंतर पोलिसांनी या होर्डिंग लावणाऱ्या अज्ञाता विरोधात विश्रामबाग पोलिसात गुन्हा दाखल केला आहे.

Agriculture Minister Manikrao Kokate : कृषीमंत्र्यांच्या जिल्ह्यातच युरिया घोटाळा

कृषीमंत्री माणिकराव कोकाटे यांच्या नाशिक जिल्ह्यातच मोठा युरिया घोटाळा झाल्याने एकच खळबळ उडाली आहे. केंद्र सरकारच्या अनुदानित शेतीसाठीचा नीम कोटेड युरियाचा उद्योगासाठी वापर होत असल्याचं समोर आल्याने अनेक प्रश्न उपस्थित केले जातायत. गोदरेज ग्रोवेट या कंपनीतून तब्बल 90 मेट्रिक टन युरिया जप्त करण्यात आली आहे. दिंडोरी तालुक्यातील आशेवाडी परिसरात कृषी विभागानं हा छापा टाकून ही कारवाई केलीय

PM Modi News : 30 मार्चला पंतप्रधान नरेंद्र मोदींचा नागपूर दौरा

रविवारी (ता.30) गुढीपाडव्याच्या शुभमुहूर्तावर पंतप्रधान नरेंद्र मोदी नागपूर दौऱ्यावर येणार आहेत. सकाळी नागपूरमध्ये मोदींचं आगमन होणार असून ते येथील मोदी रेशमीबागेत जाणार आहेत. तर माजी सरसंघचालक डॉ. हेडगेवार आणि गोळवलकर गुरुजी यांच्या स्मृतीला ते अभिवादन करतील.

Pune Congress News : पुणे काँग्रेस शहराध्यक्ष पदासाठी लॉबिंग सुरू, ही नाव चर्चे

नवनियुक्त काँग्रेस प्रदेशाध्यक्ष हर्षवर्धन सपकाळ हे नुकतेच पुणे दौऱ्यावर आले होते. या दौऱ्या दरम्यान प्रदेशाध्यक्ष हर्षवर्धन सपकाळ यांच्याकडे काही काँग्रेस पदाधिकाऱ्यांनी तक्रारीचा पाढा वाचला. मात्र प्रदेशाध्यक्ष सकपाळ यांनी मी काही सूचनापेटी नाही तक्रारी करू नका, असं संबंधितांना सुनावल. यामुळे प्रदेशाध्यक्षांच्या दौऱ्यानिमित्त पुन्हा एकदा पुणे काँग्रेसमधील गटबाजी चव्हाट्यावर आल्याचे पाहायला मिळालं. यानंतर आता पुणे शहर काँग्रेसच्या शहराध्यक्ष बदलाचे जोरदार वारे वाहू लागले असून पुण्यातील विविध गटांकडून शहराध्यक्ष पदासाठी लॉबिंग करण्यात येत आहे. या वेगवेगळ्या गटांकडून पुणे कॉग्रेस शहराध्यक्ष पदासाठीचे वेगवेगळी नावं चर्चेत आहे.

Santosh Deshmukh Case : संतोष देशमुख हत्या प्रकरणात घुलेची कबुली; धस यांची प्रतिक्रिया

अख्या महाराष्ट्राला हादरुन सोडलेल्या सरपंच संतोष देशमुख हत्या प्रकरणात हत्येची कबुली आरोपींनी दिली आहे. याप्रकरणात सुदर्शन घुले, जयराम चाटे आणि महेश केदार यांनी पोलीस चौकशीदरम्यान देशमुख यांचे अपहरण करुन त्यांची हत्या केली, अशी कबुली घुले याने दिली आहे. यावरून सामाजिक कार्यकर्त्या अंजली दमानिया यांनी प्रतिक्रिया दिली आहे. तसेच भाजप आमदार सुरेश धस यांनी देखील यावरून प्रतिक्रिया दिली आहे. अशी कबुली येणं म्हणजे कोणालातरी वाचवले जातय, असा संशय धस यांनी व्यक्त केला आहे.

Ajit Pawar Kolhapur Visit News : अधिवेशनाचे सूप वाजले, अजितदादा कोल्हापूर दौऱ्यावर

राज्य विधिमंडळाच्या अर्थसंकल्पीय अधिवेशनाचे बुधवारी (ता.26) सूप वाजले. आज (ता.27) उपमुख्यमंत्री अजित पवार कोल्हापूर जिल्हा दौर्यावर आहेत. ते सकाळी 8 वाजून 45 मिनिटांनी येथील कोल्हापूर विमानतळावर आगमन होणार असून नंतर ते हेलिकॉप्टरने नांगरतासकडे (जि. सिंधुदुर्ग) जाणार आहेत.

Disha Salian Case News : दिशावर कुठलाही लैंगिक अत्याचार किंवा बलात्कार झालेला नाही

दिशा सालियनचा मृत्यू पडून झाला नाही. तिने आत्महत्या केली नसून तिच्यावर बलात्कार झाला असून तिचे हत्या करण्यात आल्याचा धक्कादायक आरोप दिशा सालियनच्या वडिलांनी केला होता. पण आता याप्रकरणातील पोस्टमॉर्टम रिपोर्ट समोर आला असून दिशावर बलात्कार झाला नसल्याचे समोर आले आहे.

Pune News : अखेर गौरव आहुजा याला जामीन मंजूर

पुण्यातील येरवडा येथे भर रस्त्यात लघुशंका करत अश्लिलवर्तन केलेल्या गौरव आहुजाला अखेर जामीन मंजूर झाला आहे. पुणे सत्र न्यायालयाकडून अटी व शर्तीवर गौरव आहुजाला जामीन मंजूर करण्यात आला. काही दिवसापूर्वी भर रस्त्यावर मद्यप्राशन करत लघुशंका करत असलेल्या व्हिडिओ झाला होता. याप्रकरणी दोन आरोपींना येरवडा पोलिसांनी अटक केली होती. याच प्रकरणातील मुख्य आरोपी गौरव आहुजा आहे.

Kunal kamra Live : कॉमेडियन कुणाल कामराला दोन समन्स, शिवसैनिक आक्रमक

कॉमेडियन कुणाल कामरानं एकनाथ शिंदेवर केलेल्या विडंबनात्मक गाण्यावरून वाद सुरू आहे. त्याला खार पोलीसांनी दोन समन्स बजावले असून तो हजर झालेला नाही. यामुळे शिवसैनिक आक्रमक झाले असून आज (ता.27) सकाळी 10 वाजता शिवसैनिक खार पोलीस स्टेशनमध्ये पोलिसांची भेट घेणार आहेत. तर कुणाल कामराला टी सीरीजकडून कॉपीराईटचा दावा करत दणका देण्यात आला आहे. दरम्यान गुंडगिरी करणं थांबवा, असं ट्वीट करत कामरानं उत्तर दिलं आहे.

Vidhansabha Opposition Leader Issue : अधिवेशन संपलं, पण विरोधी पक्षनेता नाहीच

हे देखील अधिवेशन संपलं असून विधानसभेतील विरोधी पक्षनेतेपदाची नियुक्ती झालेली नाही. ठाकरे गटाच्या भास्कर जाधव यांचे नाव अध्यक्षांना देण्यात आलं असूनही घोषणा झालेली नाही. तर विरोधकांकडे पुरेसं संख्याबळ नसल्यानेच ती झालेली नाही.