நடிகர் சல்மான் கான் தற்போது இயக்குனர் முருகதாஸ் இயக்கத்தில் சிக்கந்தர் படத்தில் நடித்துள்ளார். இந்த படத்தில் இவரோடு ராஷ்மிகா மந்தனா, சத்யராஜ் உள்ளிட்டோர் நடித்துள்ளார்கள். இந்த படம் வரும் 30ம் தேதி வெளியாக உள்ளது. இந்த படத்தை விளம்பரப்படுத்தும் வேளையில் சல்மான்கான், ஏ ஆர். ரகுமான் ஆகியோர் ஈடுபட்டு வருகிறார்கள். இந்த நிலையில் சல்மான்கான் தன்னுடைய இன்ஸ்டாகிராம் பக்கத்தில் புகைப்படங்களை வெளியிட்டுள்ளார். அந்த புகைப்படம் வைரலாகி வருகிறது.

அதில் அவர் அயோத்தி ராமர் கோயில் ஸ்பெஷல் எடிசன் வாட்ச் அணிந்துள்ளார். இது ரசிகர்களின் கண்ணில் பட்டுள்ளது. இந்த வாட்ச் பிரபல ஆடம்பர வாட்ச் தயாரிப்பு நிறுவனம் ஜாக்கப் அண்ட் கோ தயாரித்துள்ளது. மிக குறைந்த எண்ணிக்கையில் தயாரிக்கப்பட்டிருக்கும் இந்த வாட்ச் உலக அளவில் பிரபலமான ஒரு சிலரிடம் மட்டுமே உள்ளது. அந்த வகையில் சல்மான் காணும் இந்த வாட்ச் வைத்துள்ளார் என்பது குறிப்பிடத்தக்கது.