डोनाल्ड ट्रम्प टॅरिफ न्यूयॉर्कला विराम द्या: अमेरिकेचे अध्यक्ष डोनाल्ड ट्रम्प यांनी चीनला दणका दिला आहे. चीननं अमेरिकेवर 84 टक्के टॅरिफ लादण्याची घोषणा केली होती. याला डोनाल्ड ट्रम्प यांनी जोरदार प्रत्युत्तर दिलं आहे. याद्वारे चीनवर तात्काळ प्रभावानं 125 टक्के टॅरिफ चीनवर लादत असल्याचं ट्रम्प यांनी जाहीर केलं. त्याचवेळी ट्रम्प यांनी 75 देशांवर लादण्यात आलेल्या टॅरिफला स्थगिती देण्याचा निर्णय त्यांनी जाहीर केला. काही देशांवरील टॅरिफला स्थगिती दिली आहे तर काही ठिकाणी 10 टॅरिफ लादण्यात येत असल्याचं ट्रम्प म्हणाले. टॅरिफचा निर्णय तात्काळ प्रभावानं लागू असेल, असं ट्रम्प म्हणाले. चीनवरील टॅरिफ वाढीची घोषणा अमेरिकेनं यापूर्वी केली होती. त्यानंतर आता टॅरिफ वाढीच्या खेळात डोनाल्ड ट्रम्प किती यशस्वी होतात हे पाहावं लागेल.
चीननं जागतिक बाजाराला पुरेसा सन्मान दिला नाही,त्यामुळं मी अमेरिकेकडून चीनवर लादण्यात येत असलेल्या टॅरिफची मर्यादा 125 टक्के करत असल्याचं ट्रम्प म्हणाले. वाढवण्यात आलेलं टॅरिफ तात्काळ प्रभावानं लागू असेल, असं ते म्हणाले. चीनला हा मुद्दा भविष्यात कधीतरी लक्षात येईल की अमेरिकेचे किंवा इतर देशांचे तुकडे करणं हे दीर्घकालीन शाश्वत नाही आणि ते स्वीकारलं जाणार नाही.
डोनाल्ड ट्रम्प पुढं म्हणाले की 75 देशांनी अमेरिकेच्या प्रतिनिधींसोबत संवाद साधला आहे. त्यामध्ये वाणिज्य विभाग, कोषागार आणि यूएसटीआरला मार्ग काढण्यासंदर्भात चर्चा करण्यास सांगितलं आहे. व्यापार, व्यापारातील अडथळे, चलनामध्ये केली जाणारी फेरफार, ट्रेड बॅरिअर्सच्या अडचणी त्या लोकांना लोकप्रतिनिधींसोबत बैठक झाली आहे.
काही देशांना परस्पर शुल्क आकारलं जाणार नाही असा निर्णय घेतला आहे. ज्या 75 देशांनी संपर्क साधला. याबाबत डोनाल्ड ट्रम्प यांनी त्या देशांवरील टॅरिफ कमी करण्याचा निर्णय घेतला. काही देशांसाठी व्याज आकारलं जात नाही. तर, काही प्रकरणांमध्ये व्याज तसंच खात्यात शिल्लक राहतं. त्यामुळं डोनाल्ड ट्रम्प यांनी विविध देशांवर 10 टक्के टॅरिफ लादण्याचा निर्णय घेतला आहे.
डोनाल्ड ट्रम्प यांनी चीनवर 104 टक्क्यांवरुन 125 टक्के टॅरिफ लादण्याचा निर्णय घेतला आहे. तर, दुसरीकडे काही देशांवरील टॅक्स कमी करण्याचा निर्णय ट्रम्प यांनी घेतला. ज्यांनी चर्चा केली त्यांच्यावर किमान 10 टक्के टॅरिफ लादलं जाईल. डोनाल्ड ट्रम्प यांनी अध्यक्ष झाल्यानंतर सुरु केलेलं व्यापार युद्ध कुठपर्यंत जातं ते पाहावं लागेल.
अधिक पाहा..
