Top 5 Stocks to Buy : गेल्या आठवड्यात भारतीय शेअर बाजार तेजीसह बंद झाला. अमेरिका आणि चीनमधील सुरू असलेल्या व्यापार तणावाबाबत सकारात्मक अपडेट्समुळे बाजार मजबूत राहिला. तसेच, २०२५ मध्ये बाजारासमोर अनेक आव्हाने आहेत. अशा परिस्थितीत, पीएल कॅपिटल ग्रुपने दीर्घकालीन गुंतवणूकदारांसाठी ५ शेअर्स निवडले आहेत. हे शेअर ४७% पर्यंत वाढू शकतात. निफ्टीसाठी सपोर्ट लेव्हलगेल्या आठवड्यात निफ्टीने २४,००० च्या वर बंद होण्यास यश मिळवले. यासाठी, २४,३६० ही एक मोठी रेजिस्टंस पातळी आहे. हा टप्पा ओलांडला तर २४,७०० चे पुढील लक्ष्य खूले होऊ शकते. याशिवाय, घसरणीच्या बाबतीत, निफ्टीसाठी २३,८०० आणि २३,५०० हे महत्त्वाचे आधार स्तर आहेत. अ‍ॅस्टर डीएम हेल्थकेअरहॉस्पिटल स्टॉक एस्टर डीएम हेल्थकेअरला खरेदी रेटिंग दिले असून लक्ष्य ६२० रुपये देण्यात आले आहे. सध्या शेअर ५०५.२५ रुपयांवर आहे. यामध्ये भविष्यात २३ टक्के परतावा मिळू शकतो. या शेअरचा ५२ आठवड्यांचा उच्चांक ५३४ रुपये आणि नीचांक ३१२.२५ रुपये आहे. क्रॉम्प्टनघरगुती उपकरणे कंपनी क्रॉम्प्टन ग्रीव्हज कंझ्युमर इलेक्ट्रिकल्स शेअर्ससाठी दीर्घकालीन खरेदीची शिफारस असून लक्ष्य किंमत प्रति शेअर ४४० रुपये देण्यात आली आहे. सध्याची किंमत ३३४.७० रुपये आहे. पुढे जाऊन यामध्ये ३१ टक्क्यांची वाढ दिसून येते. या शेअरचा ५२ आठवड्यांचा उच्चांक ४८३.६५ रुपये आणि नीचांक ३०३ रुपये आहे. शॅलेट हॉटेल्सहॉटेल आणि रिसॉर्ट्स कंपनी शॅलेट हॉटेल्सचे शेअर्सवर खरेदी रेटिंग देण्यात आली असून हा शेअर सध्या ८२४.३५ रुपयांवर आहे. यासाठी लक्ष्य किंमत १,१०८ रुपये असून जी ३४% जास्त आहे. या शेअरचा ५२ आठवड्यांचा उच्चांक १,०५१.१५ रुपये आणि नीचांक ६४३.६५ रुपये आहे. केईआय इंडस्ट्रीजकेबल-इलेक्ट्रिकल्स कंपनी केईआय इंडस्ट्रीजचा शेअर सध्या २९६४.७० रुपयांवर असून त्यासाठी ४२७८ रुपये लक्ष्य किंमत देण्यात आली आहे. जी ४४% जास्त आहे. या शेअरचा ५२ आठवड्यांचा उच्चांक ५,०४०.४० रुपये आणि नीचांक २,४४३.७० रुपये आहे. त्रिवेणी टर्बाइनबीएसई ५०० वर सूचीबद्ध असलेल्या त्रिवेणी टर्बाइन या जड विद्युत उपकरण कंपनीवर खरेदीची शिफारस देण्यात आली असून लक्ष्य किंमत ७४४ रुपये देण्यात आली आहे. सध्याची किंमत ५०६.५५ रुपये असून शेअर्समध्ये पुढे ४७% ची वाढ दिसून येते. (Disclaimer: ब्रोकरेज फर्म /तज्ज्ञांनी दिलेल्या शिफारसी, सूचना, मते आणि सल्ला ही त्यांची स्वतःची आहेत. हे 'इकॉनॉमिक टाइम्स मराठी'च्या मतांचे प्रतिनिधित्व करत नाहीत.)