PNB Housing Shares : पीएनबी हाऊसिंग फायनान्सच्या शेअर्समध्ये आज जोरदार खरेदी दिसून येत आहे, शेअर्स तब्बल ७ टक्क्यांहून अधिक वधारले आहेत. कार्लाइल समुहाने कंपनीतील उर्वरित भांडवल विकल्याची घोषणा केल्यानंतर ही वाढ झाली आहे. आयआयएफएल कॅपिटलच्या टर्म शीटनुसार कार्लाइल समुहाने पीएनबी हाऊसिंगमधील उर्वरित १०.४४ टक्के भांडवल ३०८ दशलक्ष डॉलर्स (अंदाजे २,६०४ कोटी रुपये) किमतीच्या ब्लॉक डीलमध्ये विकला. यानंतर, आज बीएसईवर पीएनबी हाऊसिंग फायनान्सचे शेअर्स इंट्रा-डे ७.७० टक्क्यांनी वाढून १०८७.९५ रुपयांवर पोहोचले. सध्या, ते ४.०७ टक्क्यांच्या वाढीसह १०५१.३० रुपयांवर (पीएनबी हाऊसिंग फायनान्स शेअर किंमत) आहे. पीएनबी हाऊसिंग शेअर्सचा व्यवहारब्लॉक डील अंतर्गत शेअर्स कोणी खरेदी केले आणि कोणी विकले हे उघड करण्यात आले नाही. एका अहवालात दावा करण्यात आला आहे की जागतिक खाजगी इक्विटी फर्म कार्लाइलची गुंतवणूक कंपनी क्वालिटी इन्व्हेस्टमेंट होल्डिंग्ज पीएनबी हाऊसिंग फायनान्समधील १०.४४ टक्के भांडवल विकणार आहे. या ब्लॉक डीलची फ्लोअर प्राईस प्रति शेअर ९६० रुपये होती, जी मागील ट्रेडिंग दिवसाच्या बंद किमतीपेक्षा सुमारे ५ टक्के सवलतीत आहे.कार्लाइलने २०१५ मध्ये पीएनबी हाऊसिंग फायनान्समध्ये ४९ टक्के भांडवल खरेदी करण्यासाठी १,६०० कोटी रुपयांची गुंतवणूक केली होती. ऑक्टोबर २०१६ मध्ये जेव्हा त्याचा आयपीओ आला तेव्हा कार्लाइलची होल्डिंग ३३ टक्क्यांवर आली. जून २०२४ च्या शेअरहोल्डिंग पॅटर्ननुसार, पीएनबी हाऊसिंग फायनान्समध्ये कार्लाइलची भागिदारी ३२.६८% होती. त्यानंतर जुलै २०२४ मध्ये १२.८% भांडवल २,५७८ कोटींना आणि नोव्हेंबर २०२४ मध्ये ९.४३% भांडवल २,३०० कोटींना विकल्याने त्यांचे भांडवल १०.४४% पर्यंत कमी झाले. पीएनबी हाऊसिंग फायनान्सच्या शेअर्सची कामगिरीगेल्या वर्षी फक्त तीन महिन्यांत पीएनबी हाऊसिंग फायनान्सच्या शेअर्सनी ९५ टक्क्यांहून अधिक परतावा दिला होता. गेल्या वर्षी ४ जून २०२४ रोजी तो ६१५.६५ रुपयांवर होता जो त्याच्या शेअर्ससाठी एका वर्षाचा नीचांकी दर आहे. या नीचांकी पातळीवरून, तो फक्त तीन महिन्यांत ९५.१५ टक्क्यांनी वाढून १३ सप्टेंबर २०२४ रोजी १२०१.४५ रुपयांवर पोहोचला, जो त्याच्या शेअर्ससाठी एका वर्षातील विक्रमी उच्चांक आहे. परंतू ही तेजी येथेच थांबली आणि सध्या तो या विक्रमी उच्चांकापेक्षा १२ टक्क्यांहून अधिक खाली आहे.