Maharashtra Board HSC Result: फेब्रुवारी ते मार्च 2025 दरम्यान झालेल्या बारावीच्या परीक्षा संपल्यानंतर, विद्यार्थ्यांचे लक्ष निकालाकडे लागले होते. ही परीक्षा करिअरच्या दृष्टीने अत्यंत महत्त्वाची असल्यानं, निकालाच्या तारीखसाठी सर्वजण उत्सुक होते. परंतु, आता प्रतीक्षा संपली आहे. माध्यमिक आणि उच्च माध्यमिक शाळांच्या बारावीच्या परीक्षेचा निकाल उद्या जाहीर होणार असल्याची माहिती बोर्डाचे अध्यक्ष शरद गोसावी यांनी दिली आहे.

बारावीचा निकाल उद्या म्हणजेच 5 मे 2025 रोजी जाहीर होणार आहे. महाराष्ट्र राज्य माध्यमिक आणि उच्च माध्यमिक शिक्षण मंडळ (MSBSHSE) प्रत्येक वर्षी बारावीचा निकाल ऑनलाईन माध्यमातून जाहीर करतं. यंदाही त्याच प्रकारे निकाल जाहीर केला जाईल.

तरी विद्यार्थ्यांना दुपारी 1 वाजल्यापासून निकाल ऑनलाईन पाहता येईल. या परीक्षेला 15 लाख विद्यार्थ्यांनी सहभाग घेतला होता. त्यामुळे सर्वच विद्यार्थी निकालाची आतुरतेने वाट पाहत आहेत.

बारावीचा निकाल हे तीन वेबसाइट्सवर पाहता येईल

- महाराष्ट्र राज्य माध्यमिक व उच्च माध्यमिक शिक्षण मंडळाच्या अधिकृत वेबसाइटवर बारावीचा (HSC) निकाल पाहण्यासाठी लिंक दिसेल.

- त्या लिंकवर क्लिक करा.

- एक नवीन पेज ओपन होईल, त्यात तुमचा रोल नंबर आणि आईचे नाव टाका.

- नंतर सबमिट बटनावर क्लिक करा.

- तुम्हाला निकाल लगेच दिसेल. त्याचा प्रिंटआऊट काढू शकता किंवा डाउनलोड सुद्धा करू शकता.