मुंबई : हिंदुस्तान पेट्रोलियम कॉर्पोरेशन लिमिटेड (HPCL) ने सोमवारी ६ मे रोजी मार्च २०२५ रोजी संपलेल्या तिमाहीचे आर्थिक निकाल जाहीर केले. निकाल जाहीर करताना कंपनी भागधारकांना चांगली बातमी दिली आहे. एचपीसीएलने आर्थिक वर्ष २०२५ साठी प्रति शेअर १०.५ रुपयांचा अंतिम लाभांश जाहीर केला आहे.तिमाहीत कंपनीने १८% वाढून ३,३५५ कोटींचा स्वतंत्र निव्वळ नफा नोंदवला. मागील आर्थिक वर्षाच्या याच तिमाहीत कंपनीचा निव्वळ नफा २,८४३ कोटी रुपये होता. मात्र, डिसेंबर २०२४ च्या तिमाहीच्या तुलनेत नफ्यात ११% घट झाली आहे. या तिमाहीत एचपीसीएलने ३,७७० कोटींचा नफा नोंदवला होता.कंपनीचा आर्थिक वर्ष २०२५ च्या चौथ्या तिमाहीत कामकाजाचा महसूल १.१८ लाख कोटी होता, जो मागील वर्षाच्या तुलनेत २% कमी आहे. तसेच, आर्थिक वर्ष २०२४-२५ साठी सरासरी सकल शुद्धीकरण मार्जिन (GRM) प्रति बॅरल ५.७४ डाॅलरपर्यंत कमी झाले. गेल्या वर्षी ते ९.०८ डॉलर प्रति बॅरल होते.एचपीसीएल देखील लाभांश देईलया तिमाहीत एचपीसीएलचे कच्चे तेल उत्पादन गेल्या वर्षीच्या ५.८४ एमएमटीवरून ६.७४ दशलक्ष मेट्रिक टन (एमएमटी) पर्यंत वाढले. देशांतर्गत बाजारपेठेत विक्रीही गेल्या वर्षीच्या ११.८० एमएमटीच्या तुलनेत १२.११ एमएमटीपर्यंत वाढली. या तिमाहीत कंपनीने ०.५९ एमएमटी निर्यात नोंदवली.कंपनीचे शेअर्स मंगळवारी ३.०४% घसरून ३९७.४० रुपयांवर बंद झाले. गेल्या १ महिन्यात एचपीसीएलच्या शेअर्समध्ये १२.६४% वाढ झाली आहे. मात्र, या वर्षी म्हणजेच २०२५ मध्ये आतापर्यंत कंपनीच्या शेअर्सनी ३.६३% नकारात्मक परतावा दिला आहे.