Defence Stocks in Focused : भारतीय सशस्त्र दलांनी ७ मे रोजी 'ऑपरेशन सिंदूर'च्या माध्यमातून पाकिस्तान आणि पीओकेमधील दहशतवादी तळांना उद्धवस्त केले. त्यानंतर शेअर बाजारात संरक्षण कंपन्यांच्या शेअर्समध्ये मोठी वाढ झाल्याचे दिसून आले. माझगाव डॉक शिपबिल्डर्स सारख्या प्रमुख कंपन्यांच्या शेअर्समध्ये ४% पर्यंत वाढ झाली. या कारवाईत पाकिस्तान आणि पाकव्याप्त जम्मू आणि काश्मीर (पीओके) मधील दहशतवादी तळांना लक्ष्य करण्यात आले होते, जिथून भारताविरुद्ध हल्ले नियोजित आणि निर्देशित केले जात होते.ज्या संरक्षण कंपन्यांच्या शेअर्समध्ये वाढ त्यामध्ये हिंदुस्तान एरोनॉटिक्स (HAL) १.८% वाढून ४,५८९ रुपयांवर, कोचीन शिपयार्ड २% वाढून १,५११ रुपयांवर आणि भारत डायनॅमिक्स १.७% वाढून १.७% वाढले. यासोबतच डेटा पॅटर्न १.३% वाढले, माझगाव डॉक शिपबिल्डर्स ३.७% वाढून ३,०७७.८० रुपयांवर, तर पारस डिफेन्स ३% वाढून १,३९३.८० रुपयांवर पोहोचले. संरक्षण मंत्रालयाने जाहीर केले की भारताने पाकिस्तान आणि पीओकेमध्ये दहशतवादाशी संबंधित नऊ ठिकाणांवर विशेष अचूक शस्त्रास्त्रांचा वापर करून हल्ला केला. बहावलपूर, मुरीदके आणि सियालकोट ही प्रमुख ठिकाणे होती. या कारवाईत लष्कर, नौदल आणि हवाई दलाचे समन्वयित प्रयत्न होते. अधिकाऱ्यांनी सांगितले की, हे अड्डे भारताविरुद्ध दहशतवादी हल्ल्यांचे नियोजन आणि निर्देश करण्यासाठी वापरली जाणारी केंद्रे होती."काही काळापूर्वी, भारतीय सशस्त्र दलांनी 'ऑपरेशन सिंदूर' सुरू केले, ज्यातून पाकिस्तान आणि पाकव्याप्त जम्मू आणि काश्मीरमधील दहशतवादी तळांवर हल्ला केला, जिथून भारताविरुद्ध दहशतवादी हल्ले नियोजित आणि निर्देशित केले जात होते," असे संरक्षण मंत्रालयाने म्हटले होते. "आमच्या कृती केंद्रित, मर्यादित आणि गैर चिथावणी स्वरूपाच्या आहेत. कोणत्याही पाकिस्तानी लष्करी सुविधांना लक्ष्य केले गेले नाही. लक्ष्यांची निवड आणि अंमलबजावणीच्या पद्धतीमध्ये भारताने बराच संयम दाखवला आहे," असे त्यात म्हटले आहे.पहलगाममध्ये झालेल्या अलिकडच्या दहशतवादी हल्ल्याला प्रत्युत्तर म्हणून ही कारवाई करण्यात आली आहे, ज्यामध्ये २५ भारतीय नागरिक आणि एका नेपाळी नागरिकाचा मृत्यू झाला.