पाकिस्तानवर केलेली कारवाई ही खरोखरच अभिनंदन आहे या कारवाईचे स्वागत करतो तसेच.भारतीय सैन्य दलाचे अभिनंदन.परंतु आता एवढ्यावरच न थांबता भारताने त्यांना अजुन चोख प्रत्युत्तर द्यायला हव ते तसे आले तसेच त्यांना प्रत्युत्तर देणे गरजेचे असल्याची प्रतिक्रिया परभणीचे उबाठा खासदार संजय जाधव यांनी दिली आहे.

० भारताने पाकिस्तानी भागात केलेल्या एअर स्ट्राईक नंतर रायगड जिल्ह्यातील माणगावमध्ये आनंदोत्सव

० फटाके फोडून आणि पेढे वाटून केला आनंद व्यक्त

० पाकिस्तान विरोधी घोषणां बरोबर भारताचा जयघोष

० सेनादलाचा देखील केला जयजयकार

लोकमान्य टिळक टार्मिनल या ठिकाणी जी आर पी आणि आर पी एफ यांचा संयुक्त मॉक ड्रिल..

या मध्ये पोलिसांकडून प्रवाश्यांना आपतकालीन परिस्थिती बद्दल माहिती देणार..

काल केंद्र सरकार कडून देण्यात आलेल्या गाईड लाईन्स चे यात पालन केले जाणार..

तर लोकमान्य टिळक टार्मिनल या ठिकाणाहून मोठ्या संख्येने लोक बाहेरगावी जात असतात..

केंद्र सरकारच्या आदेशानुसार देशातील अनेक ठिकाणी आज मॉक ड्रिल घेण्यात येणार आहे. मॉक ड्रिलच्या तयारीला सुरूवात झाली असून, लोकमान्य टिळक टर्मिनसवर मॉक ड्रिलच्या तयारीला सुरूवात झाली आहे.

भारतीय सैन्याने पाकिस्तानमध्ये घुसून एअर स्ट्राईक करत दहशतवादी हल्ल्याचा बदला घेतल्यानंतर शिवसेना शिंदे गटाच्या डोंबिवली शहर शाखेकडून जल्लोश

शिवसेना शहर शाखेबाहेर ढोल ताशांच्या गजरात "सिंधुर" हातात घेत ,तिरंगा हातात फडकवत साजरा केला आनंद उत्सव

पाकिस्तानचे झेंडे फाडले

शिवसेना आमदार राजेश मोरे यांच्यासह शिवसेना पदाधिकारी कार्यकर्त्यांनी साजरा केला आनंदउत्सव

ऑपरेशन सिंदूर अंतर्गत भारतीय सैन्याने पाकिस्तानात घुसून हवाई हल्ला केल्यानंतर शिवसेना आमदार प्रकाश सुर्वे यांनी रुग्णालयाच्या बेडवरून हातात राष्ट्रध्वज घेऊन आनंद साजरा केला.

शिवसेना आमदार प्रकाश सुर्वे यांच्या शस्त्रक्रियेनंतर डॉक्टरांनी त्यांना दोन महिने बेड रेस्टवर राहण्याचा सल्ला दिला आहे. तो उठू शकत नाही आणि चालूही शकत नाही. त्यानंतरही, भारतीय सैन्याने पाकिस्तानात घुसून केलेल्या हवाई हल्ल्याबद्दल हातात तिरंगा घेऊन भारत माता की जय म्हणत भारतीय सैन्य आणि पंतप्रधानांचे अभिनंदन केले आहे.

पंतप्रधान नरेंद्र मोदींना कॅबिनेट मंत्रिमंडळाची बैठक बोलावली आहे. ऑपरेशन सिंदूरच्या पार्श्वभूमीवर ही बैठक घेण्यात येणार आहे.

उद्या संरक्षण मंत्री राजनाथ सिंह यांच्या अध्यक्षतेखाली सर्वपक्षीय बैठक होणार आहे. ऑपरेशन सिंदूरच्या पार्श्वभूमीवर ही बैठक घेण्यात येणार आहे.

भारतीय लष्कराने पाकिस्तानातील 9 दहशतवादी स्थळांवर हल्ला केल्यानंतर देशभरातून कौतुक केलं जात आहे. यानंतर जेष्ठ समाजसेवक अण्णा हजारे यांनी देखील प्रतिक्रिया देत लष्कराने केलेल्या कामाचं शब्दांनी कौतुक करता येत नाही इतकं सुंदर काम लष्कराने केल्याचे असं म्हणत लष्कराचा अभिनंदन केलं आहे. भारत स्वतःहून कोणाची छेडखानी करत नाही मात्र केलं तर सोडायचं नाही ही कारवाई योग्य असल्याचं अण्णांनी म्हटले आहे. काही कारण नसतांना आमचे 26 लोक मारले त्याचा बदला भारताने घेतला त्यामुळे कोणी काही बोलू शकत नाही, अशा प्रकारे कारवाई केल्याने आता कुणाची हिंमत होणार नाही अशी प्रतिक्रिया अण्णा हजारे यांनी दिली आहे.

पहलगाम येथील भ्याड दहशतवादी हल्ल्यानंतर भारत सरकारने घेतलेल्या कठोर भूमिकेनुसार भारतीय वायुसेनेने 'ऑपरेशन सिंदूर' अंतर्गत जोरदार कारवाई करत दहशतवाद्यांचे नऊ अड्डे उद्ध्वस्त केले. या एअर स्ट्राईकमुळे आपल्या माथ्यावरचं कुंकू गमावलेल्या भगिनींना खरी श्रद्धांजली अर्पण करण्यात आली आहे, अशी भावना व्यक्त होत आहे.

वादळी वारा आणि पावसाचा मच्छीमारांना देखील फटका. डहाणू आणि पालघर मधील चाळीस ते पंचेचाळीस बोटींच नुकसान. वादळाच्या तडाख्यात सापडलेल्या 40-45 बोटींच मोठ नुकसान. जिल्हा प्रशासनाकडून पंचनामे सुरू.

चांद्रयान मोहिमेच्या माध्यमातून अंतराळातील अनेक गोष्टी समोर आल्या आहेत. इस्त्रोने एका मिशनमध्ये एकावेळी १०० सॅटेलाईट सोडले. प्रत्येक भारतीयाच्या उपयोगासाठी आमचे सॅटेलाईट काम करणार असे पंतप्रधान नरेंद्र मोदी म्हणाले.

पुण्यात देखील ऑपरेशन सिंदूरच्या यशानंतर जल्लोष

पुण्यातील श्रीमंत दगडूशेठ गणपती मंदिराबाहेर भाजपकडून जल्लोषाला सुरुवात

हातात तिरंगा आणि भारतीय जवानांचे फोटो घेऊन भाजप कार्यकर्त्यांच्या गणपती बाप्पाच्या घोषणा

भाजप कार्यकर्त्यांकडून दगडूशेठ गणपतीची आरती

भाजप कार्यकर्त्यांची मंदिरात मोठी गर्दी

भारत माता की जयच्या घोषणा

38 सी आर पी एफ कॅम्पसमध्ये बॉम्ब हल्ला

भारतीय सैनिक जखमी

संतोष देशमुख हत्या प्रकरणाची चौथी सुनावणी बीडच्या विशेष न्यायालयामध्ये आज होत आहे

मात्र विशेष न्यायाधीश पाटोदकर रजेवर असल्यामुळे हे प्रकरण तात्पुरते न्यायाधीश शिंदे यांच्या समोर आजची सुनावणी पार पडणार आहे

या सुनावणीसाठी सरकारी वकील उज्वल निकम हजर राहणार नाहीत त्यांच्या जागी विशेष सहाय्यक सरकारी वकील बाळासाहेब कोल्हे यांचे काम पाहणार आहेत

मात्र या सुनावणीसाठी आरोपी वाल्मीक कराडचे वकील विकास खाडेकर हजर असून आरोपी विष्णू चाटे चे वकील न्यायालयात हजर आहेत

या प्रकरणाची पुढील तारीख काही वेळात न्यायालय देऊ शकते.

22 एप्रिल रोजी दहशतवाद्यानी केलेल्या भ्याड हल्ल्यानंतर भारत-पाक संबंधांमध्ये तणाव निर्माण झाला होता.

आज भारताने पीओकेमध्ये एअर स्ट्राईक करत प्रत्युत्तर दिले .

देशातील सुरक्षा यंत्रणा सतर्क झाल्यात .

महत्त्वाच्या ठिकाणी सुरक्षा यंत्रणा वाढवण्यात आली आहे .

या पार्श्वभूमीवर कल्याण रेल्वे पोलिसांनी कल्याण रेल्वे स्टेशनवर आज रूट मार्च केला .

दहशतवाद्यांना मध्यरात्री सूर्योदय दाखवून झोप उडवणारं ठोस प्रत्युत्तर भारतानं या मोहिमेद्वारे दिलं आहे.

पहलगाममधील दहशतवादी हल्ल्यात ज्या महिलांनी आपल्या पतींना गमावलं, त्यांच्या दुःखाचा विचार करत, भारताने ‘ऑपरेशन सिंदूर’च्या माध्यमातून दहशतवाद्यांविरुद्ध कठोर कारवाई केली. पाकिस्तानमधील दहशतवाद्यांचे नऊ तळ या ऑपरेशनमध्ये उद्ध्वस्त करण्यात आले आहेत. या माध्यमातून भारतीय थलसेना, वायुसेना आणि नौसेनेने आपली ताकद सिद्ध करत जगाला भारताच्या सैन्याच्या ताकदीची प्रचीती दिली आहे.

या यशस्वी मोहिमेत सहभागी सर्व जवानांचे मन:पूर्वक आभार. भारतीय सैन्यावर देशवासियांचा दृढ विश्वास आहे आणि तो कायम राहील, हे या कारवाईने पुन्हा सिद्ध झालं आहे.

सीमेपलीकडे जाऊन निर्णायक लष्करी कारवाई करण्यासाठी भारतीय सैन्याला संपूर्ण स्वातंत्र्य आणि ताकद देणारे देशाचे पंतप्रधान मा. श्री. नरेंद्र मोदी, गृहमंत्री मा. श्री. अमित शहा आणि संरक्षणमंत्री मा. श्री. राजनाथ सिंह जी यांचे मनःपूर्वक आभार. त्यांच्या कणखर आणि दूरदृष्टीपूर्ण नेतृत्वामुळेच भारताने दहशतवादाला ठोस प्रत्युत्तर देण्यात यश मिळवले आहे.

जय हिंद! वंदे मातरम्!