महाराष्ट्रातलं एक गाव – अपशिंगे! हे गाव इतकं वेगळं आहे की पहिल्या महायुद्धात या गावाने एवढं मोठं योगदान दिलं की ब्रिटिशांनीच त्याला नाव दिलं – "अपशिंगे मिलिटरी"!

कराडच्या दिशेने हायवेवर साधारण 14 किलोमीटर गेलं की उजवीकडे बोरगाव रोड दिसतो. तिथून चार किलोमीटर आत गेल्यावर "ग्रामपंचायत अपशिंगे मिलीटरी" अशी मोठी कमान तुमचं स्वागत करत उभी असते.

या गावातं सुमारे 350 कुटुंबं आहेत, आणि गंमत म्हणजे जवळपास प्रत्येक घरात एकतरी माणूस सैन्यात आहे – आजही!

पहिल्या महायुद्धात 46 जवान शहीद झाले. पुढे 1962, 1965, 1971 – या सगळ्या युद्धांतही गावानं आपल्या सैनिकांचं योगदान दिलं.

इथली मुलं लहानपणापासून परेड, ड्रिल शिकतात. गावात स्वतःचं जिम आणि लर्निंग सेंटरही आहे – अगदी भरतीसाठी तयार!Apshinge Military Satara

या गावातले निकम कुटुंबीय थेट निकुंभ राजपूतांशी जोडले गेलेत. म्हणजेच शिवाजी महाराजांच्या काळापासूनच इथं शौर्याचं बाळकडू आहे!

गावात शहीद सैनिकांचं स्मारक आहे. आणि हो – 2022 मध्ये गावाला ‘शन्मुख शौर्य रत्न’ पुरस्कारही मिळाला होता.