ஜம்மு மற்றும் காஷ்மீர் மாநிலத்தின் தெற்கு பகுதியான ஷோபியான் மாவட்டத்தில் உள்ள கெல்லர் பகுதியின் ஷுக்ரூ காடுகளில் பாதுகாப்புப் படைகளுடன் ஏற்பட்ட துப்பாக்கிச் சண்டையில் லஷ்கர் இ தொய்பா பயங்கரவாதிகள் மூவர் சுட்டுக்கொல்லப்பட்டனர்.

பாதுகாப்புப் படைகளுக்கு கிடைத்த துல்லியமான உளவுத்தகவலின் அடிப்படையில் போலீசாரும் இராணுவமும் இணைந்து காடுகளுக்குள் சென்ற போது, மறைந்திருந்த பயங்கரவாதிகள் துப்பாக்கிச் சூடு நடத்தினர். பாதுகாப்புப் படைகளும் பதிலடி கொடுத்ததில் மூவர் உயிரிழந்தனர்.