मुंबई : एरोस्पेस आणि संरक्षण क्षेत्रातील कंपनी डेटा पॅटर्न (इंडिया) लिमिटेडने जानेवारी-मार्च २०२५ तिमाहीचे निकाल जाहीर केले आहेत. याबरोबर कंपनीने लाभांश जाहीर करून आपल्या भागधारकांना आनंदाची बातमी दिली. तिमाहीत डेटा पॅटर्नने ११४.०८ कोटी रुपयांचा निव्वळ नफा नोंदवला आहे. गेल्या वर्षीच्या ७१.१० कोटी रुपयांच्या नफ्यापेक्षा हा आकडा ६०.४५ टक्के जास्त आहे. इतका लाभांश जाहीरडेटा पॅटर्नच्या संचालक मंडळाने २०२४-२५ या आर्थिक वर्षासाठी प्रति शेअर ७.९० रुपये अंतिम लाभांश देण्याची शिफारस केली आहे. कंपनीच्या ८ ऑगस्ट रोजी होणाऱ्या वार्षिक सर्वसाधारण सभेत यावर भागधारकांची मंजुरी घेतली जाईल. मंजुरीनंतर लाभांश ६ सप्टेंबर रोजी किंवा त्यापूर्वी दिला जाईल. कंपनीच्या शेअर्सचे दर्शनी मूल्य २ रुपये आहे. डेटा पॅटर्नने आर्थिक वर्ष २०२४ साठी प्रति शेअर ६.५० रुपये अंतिम लाभांश जाहीर केला होता. महसूलात मोठी वाढकंपनीच्या कामकाजातून मिळणारा महसूल वर्षानुवर्षे ११७ टक्क्यांनी वाढून ३९६.२१ कोटी रुपये झाला. मार्च २०२४ च्या तिमाहीत हा महसूल १८२.२९ कोटी रुपये होता. तर मार्च २०२५ च्या तिमाहीत कंपनीचा खर्च २५३.७२ कोटी रुपयांपर्यंत वाढला. एक वर्षापूर्वी खर्च ९९.२५ कोटी रुपये होता. आर्थिक वर्षातील नफाEBITDA गेल्या वर्षीच्या तुलनेत ६१ टक्क्यांनी वाढून १४९.५ कोटी रुपये झाला, जो मार्च २०२४ च्या तिमाहीत ९३ कोटी रुपये होता. शेअर बाजारांना दिलेल्या माहितीनुसार, संपूर्ण आर्थिक वर्ष २०२४-२५ मध्ये डेटा पॅटर्नच्या कामकाजातून मिळणारा महसूल ७०८.३५ कोटी रुपये होता. एक वर्षापूर्वी महसूल ५१९.८० कोटी रुपये होता. आर्थिक वर्ष २०२२४ मध्ये १८१.६९ कोटी रुपयांच्या तुलनेत निव्वळ नफा २२१.८१ कोटी रुपये झाला. शेअर्सचा परतावाबीएसई वर डेटा पॅटर्नच्या शेअरची किंमत सध्या २८६९.१५ रुपये आहे. कंपनीचे मार्केट कॅप १६००० कोटी रुपये आहे. गेल्या ३ महिन्यांत या शेअरमध्ये ७८ टक्के वाढ झाली आहे. तर फक्त एका महिन्यात ५२ टक्के वाढ झाली आहे. एका आठवड्यात या शेअर्सने २५ टक्के नफा दिला आहे. मार्च २०२५ अखेर कंपनीत प्रवर्तकांचा ४२.४१ टक्के हिस्सा होता.