बदलत्या जीवनशैलीचा आपल्या आरोग्यावर गंभीर परिणाम होत आहे. खाण्यापिण्याच्या चुकीच्या सवयींमुळे शरीरात कोणत्या ना कोणत्या पोषकतत्वांची कमतरता निर्माण होऊन आरोग्याच्या तक्रारी उद्भवत आहेत. ज्यात थकवा जाणवणे आजकाल सामान्य झाले आहे. कोणतेही काम केल्यावर थकवा जाणवत असेल तर तुमच्या रक्तात लोहाची कमतरता असू शकते. ही समस्या बहुतेकदा महिलांमध्ये जास्त आढळते. अशा परिस्थितीत तुम्ही शरीरातील लोहाची कमतरता भरून काढण्यासाठी आहारात लोहयुक्त पदार्थांचा समावेश करायला हवा. चला तर मग आज आपण जाणून घेऊयात लोहाची कमतरता दूर करणारे पदार्थ
डार्क चॉकलेट खाऊन मूड फ्रेश होतो आणि भूकही मिटते. याशिवाय सर्वात महत्त्वाचे म्हणजे डार्क चॉकलेट खाऊन शरीरात लोह वाढवण्यास मदत होते. एका डार्क चॉकलेटमध्ये 3.3 मेगाग्रॅम लोह असते.
अंड्यातील बलकामध्ये सुमारे 1.89 मिलीग्रॅम लोह असते. ज्यामुळे लोहाची कमतरता पूर्ण होतेच शिवाय शरीरातील ऊर्जा वाढवण्यास मदत होते.
ब्रोकोली फॉस्फरसचा आणि लोहाचा एक उत्तम स्त्रोत आहे. यात व्हिटॅमिन सी, फायबर, ओमेगा 3, व्हिटॅमिन के, मॅग्नेशियम, झिंक यासारखी पोषकतत्वे असतात. ही भाजी हृदयासाठी फायदेशीर असते.
पालक लोहयुक्त भाजी आहे. एक वाटी पालकाच्या भाजीत 6.4 ग्रॅम लोह असते, जे महिलांमधील अशक्तपणा दूर करण्यास मदत करते.
सोयाबीनमध्ये भरपूर प्रमाणात लोह असते. याशिवाय सोयाबीन खाल्ल्याने पचनाच्या समस्यांवर मात होते आणि रोगप्रतिकारकशक्ती देखील वाढते.
एक वाटी चण्यामध्ये सुमारे 4.7 ग्रॅम लोह असते. तुम्ही चणे भाजी, सॅलेड किंवा स्नॅक्स म्हणून खाऊ शकता.
शाकाहारी पदार्थांचा टोफू आवडता पदार्थ आहे. अर्ध्या वाटी टोफूमध्ये 3.4 मेगाग्रॅम लोह असते. याशिवाय यात कॅल्शियम आणि प्रोटीनचे प्रमाण अधिक असते.
हेही पाहा –
