विमान दुर्घटनेत रहिवाशी भागातल्या घरांमधील किंवा रस्त्यांवरील कोणाचा मृत्यू झाला नसल्याचंही अधिकाऱ्यांनी स्पष्ट केलं. हा अपघात कशामुळे झाला याचा शोध घेतला जात आहे. प्राथमिक अंदाजानुसार हे विमान वीजेच्या तारांना धडकल्यानं दुर्घटना घडली असावी.

कोसळलेलं विमान हे खासगी होतं आणि ८ ते १० प्रवासी क्षमतेचं होतं. पण अपघातावेळी विमानातून किती जण प्रवास करत होते याची अद्याप माहिती समोर आलेली नाही. त्यामुळे मृतांचा नेमका आकडाही समजू शखलेला नाही.

विमान सॅन डिएगोतील मोंटगोमेरि गिब्स एक्झिक्युटीव्ह विमानतळावर उतरणार होते. त्याआधीच पहाटे पावणे चार वाजण्याच्या सुमारास दुर्घटना घडली. सेसना साटेशन २ प्राकरचं जेट विमान कर्नल जेम्स जबारा या विमानतळावरून आल्याची माहिती देण्यात आलीय.

विमान दुर्घटनेनंतर घटनास्थळी बचावकार्य वेगानं सुरू आहे. ही दुर्घटना नेमकी कशी घडली याचा तपास केला जात आहे. दरम्यान, दुर्घटनेमुळे परिसरात भीतीचं वातावरण पसरलं आहे. घटनास्थळी पोलीस आणि प्रशासनाचे अधिकारी दाखल झाले आहेत.