योगगुरू बाबा रामदेव यांची कंपनी पतंजली लवकरच आपली इलेक्ट्रिक स्कूटर बाजारात आणणार असल्याची चर्चा आहे. पतंजलीच्या ई-स्कूटरबाबत अनेक मोठे दावे करण्यात आले आहेत. पतंजलीच्या ई-स्कूटरबाबत असं म्हटलं जातंय की, ही स्कूटर एकदा चार्ज केल्यावर 440 किलोमीटरची रेंज देईल, असे सांगण्यात येत आहे. एवढंच नाही तर स्कूटरची किंमत 15,000 पासून सुरू होईल असा दावा करण्यात आला आहे. या दाव्यांसह एका इलेक्ट्रिक स्कूटरचा फोटोही इंटरनेटवर व्हायरल होत आहे. यात किती तथ्य आहे, याविषयी पुढे विस्ताराने जाणून घ्या.
येत्या काळात इलेक्ट्रिक दुचाकींची बाजारपेठ झपाट्याने वाढण्याची शक्यता आहे. गेल्या काही वर्षांत इलेक्ट्रिक स्कूटरची विक्री झपाट्याने वाढली आहे. त्यामुळेच अनेक नव्या कंपन्यांनी या सेगमेंटमध्ये पाऊल टाकत स्वत:च्या इलेक्ट्रिक स्कूटर लाँच केल्या आहेत.
योगगुरू बाबा रामदेव यांची कंपनी पतंजली लवकरच आपली इलेक्ट्रिक स्कूटर बाजारात आणणार असल्याची चर्चा अनेक दिवसांपासून सोशल मीडियावर सुरू आहे. याविषयी सत्य काय आहे, हे जाणून घेऊया.
विशेष म्हणजे या महिन्याच्या सुरुवातीला काही वेबसाईट्स आणि सोशल युजर्सनी पतंजलीच्या ई-स्कूटरबाबत काही माहिती प्रसिद्ध केली होती. पतंजलीच्या ई-स्कूटरबाबत अनेक मोठे दावे करण्यात आले आहेत. ही स्कूटर एकदा चार्ज केल्यावर 440 किलोमीटरची रेंज देईल, असे सांगण्यात येत आहे. एवढंच नाही तर स्कूटरची किंमत 15,000 पासून सुरू होईल असा दावा करण्यात आला आहे. या दाव्यांसह एका इलेक्ट्रिक स्कूटरचा फोटोही इंटरनेटवर व्हायरल होत आहे. हा दावा पाहून सर्वांनाच आश्चर्याचा धक्का बसला आहे.
पतंजली इलेक्ट्रिक स्कूटरबाबत सोशल मीडियावर केले जाणारे दावे पूर्णपणे निराधार असल्याचे दिसून येत आहे. कारण सर्वप्रथम पतंजलीने ही इलेक्ट्रिक स्कूटर लाँच करण्याबाबत कधीच काही सांगितलेले नाही. याशिवाय पतंजलीइलेक्ट्रिक स्कूटर्सचे स्पेसिफिकेशनही एखाद्या विनोदापेक्षा कमी नाहीत. ऑटोमोबाईल्सची थोडीशी माहिती असलेल्या कोणालाही माहित असेल की हा दावा ग्राऊंड केला जाऊ शकतो.
पतंजली ब्रँडला परिचयाची गरज नाही. ही कंपनी अनेक आयुर्वेद उत्पादने तसेच औषधे, साबण आणि ब्युटी प्रॉडक्ट्स बाजारात विकते. ही कंपनी आयुर्वेदिक उत्पादनांचा मोठ्या प्रमाणावर व्यापार करते. पतंजलीच्या आयुर्वेदिक उत्पादनांवरही भारतातील लोकांचा विश्वास आहे. मात्र, पतंजली इलेक्ट्रिक कोणतीही इलेक्ट्रिक स्कूटर लाँच करेल असे वाटत नाही.
