मुंबई : दुचाकी आणि तीनचाकी वाहने बनवणाऱ्या बजाज ऑटोने जानेवारी-मार्च २०२५ या तिमाहीचे निकाल (Bajaj Auto Q4 Results) जाहीर केले आहेत. यासोबतच कंपनीने आपल्या भागधारकांना मोठा लाभांश देऊन खूश केले आहे. लाभांशाची रेकॉर्ड तारीखही जाहीर करण्यात आली आहे. तिमाहीत बजाज ऑटोचा निव्वळ एकत्रित नफा वार्षिक आधारावर १०.४ टक्क्यांनी घसरून १८०१.८५ कोटी रुपयांवर आला. गेल्या वर्षीचा नफा २०११.४३ कोटी रुपये होता. लाभांशाची रेकॉर्ड तारीख बजाज ऑटोच्या संचालक मंडळाने आर्थिक वर्ष २५ साठी प्रति शेअर २१० रुपये लाभांश (Bajaj Auto declared Dividend) देण्याची शिफारस केली आहे. कंपनीने जाहीर केलेला हा आतापर्यंतचा सर्वाधिक लाभांश आहे. ६ ऑगस्ट रोजी होणाऱ्या कंपनीच्या वार्षिक सर्वसाधारण सभेत यावर भागधारकांची मंजुरी घेतली जाईल. त्यानंतर लाभांश ८ ऑगस्ट २०२५ रोजी किंवा त्याच्या आसपास दिला जाईल. रेकॉर्ड तारीख २० जून आहे. कंपनीने आर्थिक वर्ष २४ साठी प्रति शेअर ८० रुपये आणि आर्थिक वर्ष २३ साठी प्रति शेअर १४० रुपये अंतिम लाभांश जाहीर केला होता. तिमाहीतील महसूलकंपनीचा ऑपरेशन्समधून एकत्रित महसूल १२६४६.३२ कोटी रुपये झाला, जो मार्च २०२४ च्या तिमाहीत मिळवलेल्या ११५५४.९५ कोटी रुपयांपेक्षा ९.४ टक्क्यांनी जास्त आहे. मार्च २०२५ च्या तिमाहीत एकूण खर्च १०,२१९.१४ कोटी रुपये होता. गेल्या वर्षी हा आकडा ९,३९३.१३ कोटी रुपये होता. आर्थिक वर्षाताल नफाकंपनीने शेअर बाजारांना सांगितले आहे की २०२४-२५ या संपूर्ण आर्थिक वर्षात कामकाजातून एकत्रित महसूल ५०,९९४.५५ कोटी रुपये होता, जो गेल्या वर्षी ४४,८७०.४३ कोटी रुपये होता. निव्वळ एकत्रित नफा ७,३२४.७३ कोटी रुपये होता. आर्थिक वर्ष २४ च्या ७,७०८.२४ कोटी रुपयांच्या नफ्यापेक्षा हा आकडा कमी आहे. शेअर्स वाढलाबजाज ऑटोचे शेअर्स (Bajaj Auto share price) २९ मे रोजी बीएसईवर ०.२८ टक्क्यांच्या किरकोळ वाढीसह ८८७३.३० रुपयांवर बंद झाले. कंपनीचे मार्केट कॅप २.४७ लाख कोटी रुपयांच्या जवळपास आहे. दोन आठवड्यात शेअर ६ टक्क्यांनी वाढला आहे. मार्च २०२५ अखेर कंपनीत प्रवर्तकांचा ५५.०४ टक्के हिस्सा होता.