मॉडर्न स्वयंपाकघरांमध्ये नॉनस्टिक भांडी मोठ्या प्रमाणात वापरली जातात. त्यांचा वापर हल्ली दिवसेंदिवस वाढत आहे. खरंतर, कमी तेलातही नॉन-स्टिक भांड्यांमध्ये चांगले अन्न शिजवता येते. अन्न त्याला चिकटतही नाही. नॉन-स्टिक पॅनमध्ये स्वयंपाक केल्याने अन्न चिकटण्याची किंवा जळण्याची समस्या कमी होते. मात्र यातील एक समस्या अशी आहे की एकदा याला ओरखडे पडले की त्याची गुणवत्ता पूर्णपणे खराब होते. एका अभ्यासानुसार असे सिद्ध झाले आहे की जर नॉन-स्टिक भांड्यावर 5 सेमीचा स्क्रॅच आला तर त्यातून 23 लाख मायक्रोप्लास्टिक बाहेर पडू शकतात. जर हे अन्नाद्वारे पोटात गेले तर अनेक गंभीर आजार होऊ शकतात.
नॉन-स्टिक भांड्यांची नियमित भांड्यांपेक्षा जास्त काळजी घ्यावी लागते. जर त्यांची योग्य देखभाल केली गेली नाही तर ते लवकर खराब होतात. बऱ्याचदा धुताना नॉन-स्टिक भांड्यांवर ओरखडे पडतात. अशा परिस्थितीत, तुम्हाला नॉन-स्टिक भांडी धुण्याची योग्य पद्धत माहित असली पाहिजे. नॉन-स्टिक भांडी धुण्याची योग्य पद्धत कोणती आहे ते आजच्या लेखातून जाणून घेऊयात.
बऱ्याचदा काहीजण नॉन-स्टिक भांड्यांमध्ये स्वयंपाक करताना स्टीलचे चमचे वापरतात . यामुळे नॉन-स्टिक लेयरवर ओरखडे येतात. अशा परिस्थितीत, नॉन-स्टिक भांड्यात स्वयंपाक करत असताना धातूचा चमचा वापरू नये. या प्रकारच्या भांड्यात नेहमी लाकडी, प्लास्टिक किंवा सिलिकॉनचे चमचे वापरावेत.
जर तुमचा नॉन-स्टिक पॅन किंवा इतर कोणतेही नॉन-स्टिक भांडे जळले तर तुम्हाला ते घासण्यासाठी लोखंडी स्क्रबरचा वापर अजिबात करू नका. तुम्ही सोप्या युक्त्यांचा वापर करून जळलेली नॉन-स्टिक भांडी स्वच्छ करू शकता.
Jassee ki
जर नॉन-स्टिक भांडी जळली तर त्यात पाणी गरम करा. यानंतर, त्यात द्रव डिशवॉश घाला. ते 5 मिनिटे उकळवा. नंतर ते थंड होऊ द्या. अशा प्रकारे जळलेली भांडी घासल्याशिवाय देखील स्वच्छ होतील.
नॉन-स्टिक पॅन स्वच्छ करण्यासाठी, 5 चमचे मीठ आणि अर्धा कप पाणी यांचे द्रावण तयार करा. ते पॅनमध्ये ठेवा आणि 10 मिनिटे तसेच राहू द्या. नंतर, ते स्पंजने स्वच्छ करा. यामुळे सर्व घाण कोणत्याही ओरखड्याशिवाय साफ होईल.
हेही वाचा : Recipe Of Sonth Goli : सुंठ गोळी बनवण्याची सोपी पद्धत
संपादित – तनवी गुडे
