हळद औषधी गुणधर्मांनी परिपूर्ण आहे. त्यामुळे विविध आजारांवर रामबाण उपाय म्हणून हळदीचा वापर केला जातो. रोज हळदीचे सेवन केल्यास शरीराला अनेक प्रकारे फायदा होतो. तुम्ही जर हळदीचे दररोज न चुकता सेवन केलेत तर स्मरणशक्ती वाढण्यासाठी मदत होते. हळद स्मरणशक्ती वाढवण्यासाठी फायदेशीर पदार्थ आहे. हळदीत कर्क्यूमिन नावाचे शक्तीशाली ऍटीऑक्सिडंट्स आढळते. कर्क्यूमिन हे मेंदूच्या आरोग्यासाठी फायदेशीर आहे. एका अभ्यासानुसार, दिवसातून दोन वेळा 90 मिलीग्रॅम कर्क्यूमिन घेतल्यास स्मरणशक्ती वाढण्यास मदत होते. तुम्हालाही छोट्या-छोट्या गोष्टी विसरण्याची सवय असेल तर स्मरणशक्ती वाढवण्यासाठी हळदीचे सेवन करणे फायद्याचे ठरेल. आज आपण जाणून घेऊयात स्मरणशक्ती वाढवण्यासाठी हळदीचे सेवन आहारात कसे करता येईल.

हळदीमुळे स्मरणशक्ती कशी वाढते?

हळदीत कर्क्यूमिन नावाचे शक्तीशाली ऍटीऑक्सिडंट्स असते, जे मेंदूच्या पेशींना नुकसान होण्यापासून वाचवते आणि स्मरणशक्ती सुधारण्यासाठी मदत करते. काही अभ्यासातून असेही दिसून आले आहे की, हळद अल्झायमरसारख्या आजारांचा धोका कमी करते. सर्वात महत्त्वाचे म्हणजे हळदीच्या सेवनाने नकारात्मक विचार कमी होण्यास मदत मिळते, ज्यामुळे स्मरणशक्ती वाढते.

हळदीचे सेवन कसे कराल ?

• तुम्ही हळद भाज्या, डाळ आणि इतर पदार्थांत घालू शकता.
• रात्री झोपण्यापूर्वी दूध पिण्याची सवय असल्यास हळदीचे दूध प्या.
• हळदीचा चहा बनवून तुम्ही पिऊ शकता.
• हळदीच्या गोळ्या देखील खाऊ शकता.

हळदीचे इतर फायदे –

• हळदीत भरपूर प्रमाणात ऍटी-ऑक्सिडंट्स असतात, जे शरीराला फ्रि रॅडिकल्सपासून वाचवतात.
• हळद ऍटीइफ्लेमेंटरी गुणधर्माने परिपूर्ण आहे. या गुणधर्मामुळे शरीरातील दाह कमी होण्यास मदत होते.
• शरीराची रोगप्रतिकारक शक्ती वाढवण्यासाठी हळद उपयुक्त ठरते.
• हळदीमुळे पचन सुधारते

हेही पाहा –