मुंबई पोलीस वर्तुळातून मोठी बातमी हाती आली आहे. मुंबई पोलीस दलात मोठे फेरबदल करण्यात आले आहेत. मुंबईतील १३ पोलीस उपआयुक्तांच्या बदल्या करण्यात आल्या आहेत. गुन्हे शाखा ते अमली पदार्थ विरोधी पथकाच्या विभागाचा समावेश आहे. आगामी मुंबई महापालिका निवडणुका जाहीर होण्याआधी पोलिसांच्या बदल्या झाल्याने चर्चांना उधाण आलं आहे.

आगामी मुंबई महापालिका निवडणुकांच्या पार्श्वभूमीवर मुंबईतील १३ पोलीस उपाआयुक्तांच्या बदल्या झाल्याची चर्चा आहे. मुंबई दलातील गुन्हे शाखेच्या प्रकटीकरणाची जबाबदारी राज तिलक रोशन यांच्याकडे सोपवण्यात आली आहे. तर नवनाथ ढवळे यांच्याकडे अमली पदार्थ विरोधी पथकाची जबाबदारी सोपवण्यात आली आहे. पोलीस उपआयुक्त पुरुषोत्तम कराड आता सायबर शाखेची धुरा सांभाळतील.

दत्ता नलावडे हे पुन्हा परिमंडळ १० चे पोलीस उपायुक्त असणार आहेत. कृष्णकांत उपाध्याय यांच्यावर पुन्हा परिमंडळ ३ ची जबाबदारी सोपवण्यात आली आहे. नवनाथ ढवळे यांची अमली पदार्थ विरोधी पथकाचे पोलीस उपायुक्त म्हणून नियुक्ती करण्यात आली आहे.

विजयकांत सागर यांच्यावर बंदर परिमंडळाची जबाबदारी सोपवण्यात आली आहे. राकेश ओला यांच्यावर परिमंडळ ७ तर समीर शेख यांच्यावर परिमंडळ ६ ची जबाबदारी सोपवण्यात आली आहे. गुन्हे शाखेचे उपायुक्त म्हणून पुन्हा एकदा राजतिलक रोशन यांची नियुक्ती करण्यात आली आहे.

दत्तात्रय कांबळे यांची विशेष शाखेत तर पुरुषोत्तम कराड यांची सायबर डीसीपी म्हणून नियुक्ती करण्यात आली आहे. सचिन गुंजाळ यांची गुन्हे शाखा (प्रतिबंधतामक) येथे डीसीपी म्हणून नियुक्ती करण्यात आली आहे.