உத்தரபிரதேச மாநிலம் ஷாஜஹான்பூரில் உள்ள காடியானா பகுதியில், பிறந்து 2 நாளே ஆன பெண் குழந்தையை உயிருடன் புதைக்க பெற்றோர் முயற்சித்தது பெரும் அதிர்ச்சியை ஏற்படுத்தியுள்ளது.

வழியாக சென்ற ஒருவர் தகவல் அளித்ததையடுத்து போலீசார் விரைந்து சென்று குழந்தையை மீட்டனர். குழந்தை உடனே அருகிலுள்ள மருத்துவக் கல்லூரிக்கு கொண்டு செல்லப்பட்டது. இந்த சம்பவம் குறித்து கோட்வாலி காவல் நிலைய பொறுப்பாளர் அஷ்வின் குமார் தெரிவித்ததாவது, குழந்தையை புதைத்தவுடன் தகவல் வந்ததால் குழந்தையை மீட்க முடிந்தது.

தொடர்ந்து மேற்கொள்ளப்பட்ட விசாரணையில், பெற்றோர் கூறியதாவது, “மருத்துவக் கல்லூரியில் இருந்த டிஸ்சார்ஜ் பிறகு, குழந்தை மூச்சுவிடவில்லை என நினைத்து, உயிரிழந்துவிட்டதாகக் கருதி, ஆற்றங்கரையில் அடக்கம் செய்ய முயன்றோம்” என தெரிவித்தனர்.

போலீசார் பெற்றோரை தற்காலிகமாகக் காவலில் எடுத்து விசாரித்தனர். தொடர்ந்து, புகார் இல்லை என்பதால் கடுமையான எச்சரிக்கையுடன் இருவரும் விடுவிக்கப்பட்டனர். விவரம் தெரியவருவதற்கு முன்னதாக, குழந்தையின் உடல்நிலை குறித்த சிக்கல்கள் இருந்ததாகவும், மருத்துவர்கள் லக்னோ மருத்துவக் கல்லூரிக்கு பரிந்துரை செய்ததாகவும் தெரிகிறது.

பெற்றோர் சிகிச்சை செலவுகளைச் சந்திக்க முடியாத நிலையில் மன அழுத்தத்தில் இந்த முடிவை எடுத்திருக்கலாம் எனவும் கூறப்படுகிறது. நகர நிர்வாக குழுவைச் சேர்ந்த பங்கஜ் பந்த் தெரிவித்ததாவது, இது போன்ற சம்பவங்கள் மீண்டும் நடைபெறாமல் தடுக்கும் வகையில், சமூக விழிப்புணர்வை அதிகரிக்க நடவடிக்கைகள் எடுக்கப்படும் எனவும், குழந்தை தற்போது பாதுகாப்பாக இருப்பதாகவும் கூறினார்.