kitchen cleaning tips for monsoon season: पावसाळा सुरु होताच आरोग्याची काळजी घेणे गरजेचे असते. तसेच किचनमधील गोष्टींची देखील काळजी घेणे गरजेचे असते. कारण वातावरणातील आर्द्रता अनेक गोष्टी खराब करु शकते. पावसाळ्यात स्वयंपाकघरात कोणत्या गोष्टी असाव्या याबाबत आज जाणून घेऊया.

पावसाळ्यात मसाले किंवा सुकामेवा हवाबंद डब्ब्यात ठेवावे. यामुळे ते खराब किंवा नरम पडत नाही. तसेच हवाबंद डब्ब्यात ओलावा जाणवत नाही. तुम्ही स्टील, काच किंवा प्लास्टिकपासून बनवलेल्या मजबूत आणि बंद डब्याचा वापर करु शकता.

आजकाल मीठ आणि साखर सर्वात लवकर ओलावा पकडतात. जर त्यात थोडीशीही ओलावा असेल तर डब्यात मीठ आणि साखरेचे गोळे तयार होऊ शकतात. ओलाव्यापासून बचाव करण्यासाठी, तुम्ही सिलिका जेलचे पाऊच स्वयंपाकघरातील ड्रॉवर, मसाल्याच्या पेट्या आणि साठवणुकीच्या ठिकाणी ठेवू शकता.

जर पावसाळ्यात स्वयंपाकघरात ओलसरपणा किंवा दुर्गंधीची समस्या असेल तर समजून घ्या की ते बुरशी किंवा बॅक्टेरियाच्या वाढीचे लक्षण असू शकते. अशावेळी स्वयंपाकघरात एक चांगला अँटी-बॅक्टेरियल क्लीनर ठेवा. तुम्हाला हवे असल्यास, तुम्ही व्हिनेगर आणि बेकिंग सोडा सारखे घरगुती उपाय देखील वापरू शकता.

पावसाळ्यात हवेतील आर्द्रता वाढल्यामुळे, मसाले आणि कोरडे पदार्थ लवकर ओले होतात. ज्यामुळे त्यांच्या सुगंध आणि चवीवर परिणाम होतो. जर तुम्हाला तुमचे मसाले दीर्घकाळ ताजे आणि प्रभावी राहायचे असतील, तर ते व्हॅक्यूम पाऊचमध्ये साठवणे हा एक स्मार्ट उपाय आहे. पावासाळ्यात तुमचा कोणताच पदार्थ खराब होणार नाही.

पावसाळा सुरु होताच स्वयंपाकघरात मुंग्या, झुरळे आणि इतर कीटक दिसणे सामान्य आहे. अशावेळी तुम्ही कडुलिंबाची पाने, लवंग, कापूर किंवा हर्बल कीटकनाशक स्प्रे वापरू शकता . लिंबाच्या सालीचा आणि बेकिंग सोड्याचा पेस्ट स्लॅबपासून आणि सिंकभोवती कीटकांना दूर ठेवण्यास देखील मदत करतो.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.