बॉलिवूड अभिनेत्री सोनाली बेंद्रे कायम कोणत्या ना कोणत्या कारणामुळे चर्चेत असते. बऱ्याच वेळा तिच्या वैयक्तिक आयुष्याच्या चर्चा सोशल मीडियावर रंगलेल्या असतात. अनेक वेळा सोनाली बेंद्रे (Sonali Bendre) हिचे नाव महाराष्ट्र नवनिर्माण सेनेचे प्रमुख राज ठाकरे (Raj Thackeray) यांच्यासोबत जोडलं गेले होते. मुंबईत मायकल जॅक्शनच्या कार्यक्रम आयोजित करण्यात आला होता. तेव्हाचा त्यांचा एक व्हिडीओ सोशल मीडियावर तुफान व्हायरल झाला.

व्हायरल व्हिडीओमुळे आणि राज ठाकरे यांच्या नात्याबद्दल अनेक चर्चा सुरू झाल्या होत्या. मात्र आता यावर सोनाली बेंद्रेने आपले प्रतिक्रिया दिली आहे. मायकल जॅक्शनच्या कार्यक्रमानंतर राज ठाकरे आणि सोनाली बेंद्रे यांनी 30 वर्षांनी मुंबईत 'अभिजात भाषा गौरव' दिनाचा कार्यक्रमाला हजेरी लावली होते. येथे ते एकत्र दिसले. व्हायरल होणाऱ्या व्हिडीओमध्ये सोनाली बेंद्रे राज ठाकरे यांना खुणावताना दिसत आहे. हा व्हिडीओ सोशल मीडियावर आजही व्हायरल होतो.

आता एएनआयला दिलेल्या मुलाखतीत सोनाली बेंद्रेने या विषयावर मौन सोडलं आहे. सोनाली बेंद्रेला मुलाखतीत तिच्या आणि यांच्या नात्याबद्दल विचारण्यात आले. तेव्हा ती म्हणाली की, "मी माझ्या बहिणीशी बोलत होते. ती देखील तिथेच उभी होती. लोक जेव्हा याबद्दल बोलतात तेव्हा मला अजिबात आवडत नाही. महत्त्वाचे म्हणजे आमची कुटुंबे यात सहभागी आहेत. आमच्या घराचे ठाकरे कुटुंबाशी खूप चांगलचे आणि जुने नाते आहे."