Maharashtra Marathi Breaking News Live Today: इंडियन रेल्वे केटरिंग अँड टुरिझम कॉर्पोरेशन लिमिटेड (IRCTC) ने छत्रपती शिवाजी महाराज सर्किट ट्रेन टूर सुरू केला आहे, जो ९ जून २०२५ रोजी छत्रपती शिवाजी महाराज टर्मिनस येथून निघेल. मुख्यमंत्री देवेंद्र फडणवीस आज या ट्रेनला हिरवा झेंडा दाखवतील. पाच दिवसांच्या प्रवासात छत्रपती शिवाजी महाराज सर्किट टूरमध्ये छत्रपती शिवाजी महाराजांचा गौरवशाली इतिहास आणि भव्य वारसा दाखवला जाईल. हा दौरा महाराष्ट्र सरकार, भारतीय रेल्वे आणि IRCTC यांच्या संयुक्त प्रयत्नातून करण्यात आला आहे. ही ट्रेन रायगड किल्ला, शिवनेरी किल्ला, प्रतापगड किल्ला, पन्हाळा किल्ला, लाल महाल, कसबा गणपती आणि शिवसृष्टी यासारख्या ठिकाणांना भेट देईल. राज्यात घडत असलेल्या सर्व घडामोडींवर आम्ही लक्ष ठेवून आहोत. तर बघू आज दिवसभरात काय घडतं ते.
स्थानिक स्वराज्य संस्थांच्या निवडणुकीसाठी राज आणि उद्धव ठाकरे यांच्यातील युतीबाबत काल मातोश्री येथे बैठक झाली. या बैठकीत महत्त्वाचे निर्णयही घेण्यात आले. युबीटीने अनिल परब यांच्यावरही मोठी जबाबदारी सोपवली.