Sunetra Pawar : अजित पवार यांची मुख्यमंत्री होण्याची इच्छा काही पून राहिलेली नाही. त्यांनी याआधी अनेकवेळा जाहीर संभात मुख्यमंत्री होण्याबाबत भाष्य केलेलं आहे. तशी इच्छा त्यांनी व्यक्त केलेली आहे. विशेष म्हणजे त्यांच्या कार्यकर्त्यांनी अनेकवेळा अजितदादा मुख्यमंत्री व्हावेत अशी प्रार्थना केलेली आहे. असे असतानाच आता अजित पवार यांच्या पत्नी तथा खासदार सुनेत्रा पवार यांनी अजित पवार यांच्या मुख्यमंत्री होण्याच्या इच्छेवर भाष्य केलं आहे. त्या माध्यम प्रतिनिधींशी बोलत होत्या.
तुम्हीदेखील पांडुरंगाची पूजा लवकरच करावी आणि अजित पवार मुख्यमंत्री व्हावेत, अशी तुमची इच्छा आहे का? असा प्रश्न माध्यम प्रतिनिधींनी केला. या प्रश्नाचे उत्तर देताना आपण नेमही चांगल्या इच्छा अपेक्षा व्यक्त करत असतो. पण शेवटी काय द्यायचं काय द्यायचं नाही हे देवाच्या हातात असतं. तेव्हा पांडुरंग नक्कीच सगळ्यांच्या मनोकामना ऐकतील असं सुनेत्रा पवार म्हणाल्या.
अजित पवार यांनी मे महिन्यात मुख्यमंत्रिपदावर जाहीर भाष्य केलं होतं. आतापर्यंत अनेकवेळे उपमुख्यंत्रिपदी बसलेले आहेत. मात्र त्यांना मुख्यमंत्रिपदाची खुर्ची मात्र अद्याप मिळालेली नाही. मुंबईतील कार्यक्रमात मात्र त्यांनी मुख्यमंत्रिपदाची थेट इच्छा व्यक्त केली होती. “राही भिडे म्हणाल्या की भविष्यात या महाराष्ट्रात एखादी महिला मुख्यमंत्री झाली पाहिजे. आपल्याला सगळ्यांनाच तसं वाटत असतं. पण शेवटी तो योग जुळून यावा लागतो. कारण मलाही गेल्या अनेक वर्षांपासून वाटतं की मी मुख्यमंत्री व्हावं. पण कुठे जमतंय,” असं अजित पावर म्हणाले होते.
अजित पवार यांच्या या भाष्यानंतर महाविकास आघाडीतील अनेक नेत्यांनी प्रतिक्रिया व्यक्त केली होती. ठाकरे पक्षाचे नेते विनायक राऊत यांनी तर अजित पवार यांना थेट मुख्यमंत्रिपदाची ऑफर दिली होती. अजित पवार हे महाविकास आघाडीत आले तर त्यांचं मुख्यमंत्री होण्याचं स्वप्न पूर्ण होईल, असं राऊत म्हणाले होते.
