प्रत्येकी एक वर्षाची शिक्षा सुनावली

वृत्तसंस्था/ जयपूर

सुमारे 11 वर्षांपूर्वीच्या एका जुन्या प्रकरणात जयपूर जिल्हा न्यायालयाने दोन काँग्रेस आमदारांसह नऊ जणांना प्रत्येकी एक वर्षाची शिक्षा सुनावली आहे. शिक्षा सुनावल्यानंतर न्यायालयाने सर्व आरोपींना जामिनावर सोडले. आरोपींना न्यायालयाच्या या निर्णयाविरुद्ध अपील दाखल करण्यासाठी एक महिन्याची मुदत दिली आहे. ते राजस्थान उच्च न्यायालयात शिक्षा स्थगित करण्यासाठी किंवा रद्द करण्यासाठी याचिका दाखल करू शकतात.

11 वर्षे जुन्या एका प्रकरणात, जयपूर जिल्हा न्यायालयाने दोन काँग्रेस आमदारांसह नऊ जणांना प्रत्येकी एक वर्षाची शिक्षा सुनावली आहे. न्यायालयाने लाडनूनचे आमदार मुकेश भाकर, शाहपुराचे आमदार मनीष यादव आणि झोटवाडा विधानसभेचे काँग्रेस उमेदवार अभिषेक चौधरी तसेच राजेश मीना, रवी किराड, वसीम खान, द्रोण यादव, भानुप्रताप सिंह आणि विद्याधर मील यांनाही दोषी ठरवले. हे प्रकरण 13 ऑगस्ट 2014 मधील असून राजस्थान विद्यापीठाच्या मुख्य प्रवेशद्वाराबाहेर जेएलएन मार्ग सुमारे 20 मिनिटे रोखण्यात आल्याप्रकरणी ही शिक्षा सुनावण्यात आली आहे. जयपूर मेट्रोपॉलिटन फर्स्टच्या एसीजेएम-19 न्यायालयाने सर्व आरोपींना मार्ग अडवल्याबद्दल आणि बेकायदेशीर जमावाबद्दल दोषी ठरवले. काँग्रेस पक्षाने अद्याप या प्रकरणावर कोणतेही अधिकृत विधान जारी केलेले नाही, परंतु पक्षाचे नेते या निर्णयाच्या कायदेशीर पैलूंचा आढावा घेत असल्याचे समजते.