अंगावर मलबा पडल्यानंतर साळवे यांना बाहेर काढण्यासाठी त्यांच्या सहकाऱ्यांनी तात्काळ प्रयत्न केले. मात्र, ढिगाऱ्यात लाकडी साहित्य अडकल्याने त्यांना बाहेर काढण्यात वेळ लागला. जेसीबीनेही मलबा काढण्याचा प्रयत्न करण्यात आला. मात्र तो यशस्वी ठरला नाही. अखेर त्यांना बाहेर काढून त्यांच्या सहकाऱ्यांनी तातडीने गजानन मंदिर परिसरातील एका खासगी रुग्णालयात नेले. परंतु, तेथील डॉक्टरांनी दाखल करून घेण्यास नकार दिला. त्यामुळे त्यांना घाटी रुग्णालयात हलवण्यात आले, पण रुग्णालयात पोहोचण्यापूर्वीच मुकुंद साळवे यांचा मृत्यू झाला होता.

या घटनेमुळे कामाच्या ठिकाणी सुरक्षेचा प्रश्न पुन्हा एकदा ऐरणीवर आला आहे. प्रशासनाने कामाच्या ठिकाणी योग्य सुरक्षा उपाययोजना करणे किती महत्त्वाचे आहे, हे या दुर्घटनेने अधोरेखित केले आहे. पोलीस या घटनेचा अधिक तपास करत आहेत.