சென்னையில் இன்று தங்கம் விலை சவரனுக்கு ரூ.440 குறைந்துள்ளது.  
 
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச சந்தை நிலவரம் மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. இந்நிலையில் இஸ்ரேல் - ஈரான் போர் காரணமாகவும் தங்கத்தின் மீதான முதலீடு சர்வதேச அளவில் அதிகரித்துள்ளதாகவும்,  போர் பதற்றம் தனியும் வரை தங்கம் விலை  கனிசமாக அதிகரிக்கும் என்றும் கூறப்படுகிறது. 

இது ஒருபுறம் இருக்க கடந்த சில ஆண்டுகளாகவே தங்கம் விலை அதிரடி ஏற்றங்களை கண்டு வருகிறது. அவ்வப்போது குறைவதும் உயர்வதுமாக போக்கு காட்டி வந்தாலும், கனிசமாக அதிகரித்திருப்பதே கசப்பான உண்மை. கடந்த ஆண்டு தொடக்கத்தில் ரூ.50,000 என்கிற அளவில் இருந்த தங்கம் விலை, நடப்பு ஆண்டில் ரூ.70,000ஐ தாண்டி விற்பனையாகி வருகிறது. அதன்பிறகும் மெல்ல மெல்ல ஏற்றம் கண்டு  74 ஆயிரத்தை தாண்டி விற்பனையாகி  வருகிறது. 

ஜூன் 17 அன்று  தங்கம் சவரனுக்கு ரூ.840 குறைந்த நிலையில்,  ஜூன் 18ம் தேதி சவரனுக்கு ரூ.400 அதிகரித்தது.  தொடர்ந்து இரண்டாவது நாளாக  நேற்று சவரனுக்கு ரூ..120 உயர்ந்து ரூ.74,120க்கு விற்பனையானது.  இந்த நிலையில் இன்று  ஆபரணத் தங்கத்தின் விலை சவரனுக்கு ரூ.440 குறைந்துள்ளது. அதன்படி 22 கேரட் ஆபரணத் தங்கம்  ஒரு சவரன் ரூ.73,680-க்கும் , கிராமுக்கு ரூ.55 குறைந்து ஒரு கிராம் ரூ.9,210-க்கும் விற்பனை செய்யப்படுகிறது.  வெள்ளி விலை கிராம் ஒன்றுக்கு ரூ.2 குறைந்து ஒரு கிராம் வெள்ளி ரூ.120க்கு விற்பனையாகிறது.