நமது உடலின் முக்கிய அங்கங்களில் ஒன்று நகம். சிலர் நகங்களுக்கு அலங்காரம் செய்யும் போதும், அதன் இயற்கை தோற்றத்தில் ஏற்படும் மாற்றங்களை கவனிக்க மறக்கிறார்கள். ஆனால், நகங்களின் நிறத்தில் ஏற்படும் மாற்றங்கள், உங்கள் உடலில் உள்ள நோய்களுக்கு முக்கியமான அறிகுறியாக இருக்கலாம்.

மருத்துவர்கள் கூறுவதுப்படி, நகங்களில் காணப்படும் வித்தியாசங்கள் உங்கள் உடலின் உட்புற உறுப்புகளில் உள்ள பிரச்சனைகளை வெளிப்படுத்தும். எனவே, உங்கள் நகங்களில் ஏதேனும் திடீர் மாற்றங்களை கவனித்தால், அதை பெருமையாக எடுத்துக்கொள்ளாமல், உடனடியாக ஒரு மருத்துவரை சந்தித்து பரிசோதிக்க வேண்டும்.

நகங்களின் தொடக்கத்தில் வெள்ளை நிறம் மற்றும் நகத்தின் முனையில் சிவப்பு நிறம் தெரிந்தால், அது கல்லீரல் அல்லது சிறுநீரக பாதிப்பை சுட்டிக்காட்டும். இதனை டெர்ரி நெயில்கள் என அழைக்கப்படுகிறது. இந்த நிலையில், நகங்களில் ரத்த ஓட்டம் அதிகரித்து இந்த மாற்றத்தை ஏற்படுத்தும்.

இதையும் படிங்க: அரிசி, பருப்பில் வண்டுகள் வராமல் இருக்கணுமா? வருடங்கள் ஆனாலும் வண்டுகள் வராமல் தடுக்க சூப்பர் டிப்ஸ் இதோ! இனி தெரிஞ்சுக்கோங்க....

நகங்களில் கருப்புப் புள்ளிகள் அல்லது கோடுகள் இருந்தால், இது சபென்ஜுவல் மெலனோமா எனப்படும் ஒரு வகை புற்றுநோயின் அறிகுறியாக இருக்கலாம். மெலனோசைட்டுகள் அதிக மெலனின் உற்பத்தி செய்தால், நகங்களின் அடியில் கருமை தோன்றும்.

நகங்கள் மஞ்சள் நிறத்தில் இருந்தால், அது மஞ்சள் காமாலை நோயின் அறிகுறியாக இருக்கலாம். இதற்கு காரணம் பிலிரூபின் அதிகம் தேங்கி இருப்பது. இது நகங்களில் வெளிப்படையான மஞ்சள் நிறத்தை ஏற்படுத்தும்.

நகங்களில் சிவப்பு நிறம் காணப்படும்போது, அது இதய வால்வுகளில் ஏற்படும் எண்டோகார்டிடிஸ் நோயின் அறிகுறியாக இருக்கலாம். இரத்த அழுத்தம் அதிகமாகும் போது, நகங்களில் அதிக இரத்த ஓட்டம் ஏற்பட்டும் இந்த மாற்றம் நிகழும்.

உங்கள் நகங்களில் எந்தவொரு மாற்றமும் ஏற்பட்டால், அதை சாதாரணமாக கருதாமல் மருத்துவ பரிசோதனை செய்து கொள்ள வேண்டும். இது உங்கள் உடல்நலம் காக்கும் முக்கிய நடவடிக்கையாகும்.

இதையும் படிங்க: உணவை வேகமாக சாப்பிடுபவர்களா நீங்கள்? அதன் விளைவுகளை அவசியம் தெரிஞ்சிக்கோங்க....