हल्ली अनेक जोडपी एकाच ऑफीसमध्ये किंवा एकाच वर्कप्लेसमध्ये काम करतात. अनेकदा ही परिस्थिती पती-पत्नीमध्ये गैरसमज निर्माण करणारी ठरते तर कधी करिअरमधील संघर्षाचे कारण बनते. पती-पत्नी एकाच ठिकाणी काम करत असल्याने पर्सनल आणि प्रोफेशनल लाईफमध्ये योग्य संतुलन न ठेवल्याने दोघांच्याही कामावर त्याचा परिणाम होतोच शिवाय नातेसंबंधात तणाव निर्माण होतो. तुमच्याही बाबतीत असं काही घडत असेल तर टेन्शन घेऊ नका. आज आम्ही तुम्हाला अशा काही सोप्या टिप्स सांगणार आहोत, ज्याद्वारे तुम्ही पर्सनल आणि प्रोफेशनल लाईफ संतुलित ठेवू शकाल.

असे ठेवा बॅलन्स –

• ऑफिसमध्ये एकमेकांना पती-पत्नी म्हणून न वागवता, ऑफिस कलीग म्हणून वागवावे.
• कामाच्या ठिकाणी प्रेमसंबंध किंवा पर्सनल लाईफसंबधित गोष्टींची चर्चा करू नये.
• ऑफिसमध्ये एकमेकांना प्राधान्य देण्याऐवजी, कामावर लक्ष क्रेंदित करावे.
• गैरसमज किंवा भांडणे झाल्यास ती कामाच्या ठिकाणी आणू नये. घरी आल्यावर एकमेकांशी शांतपणे बोलावे.
• ऑफिसमध्ये आपल्या भावनांवर नियंत्रण ठेवावे.
• राग किंवा इतर नकारात्मक भावनांमुळे कामावर परिणाम होणार नाही याची दोघांनीही काळजी घ्यावी.
• एकत्र जेवण करणे दोघांसाठी चांगले असले तरी दररोज करणे आवश्यक नाही. कधी कधी तुम्ही इतर सहकाऱ्यांसोबत बसणे गरजेचे आहे, जेणेकरून तुम्ही इतरांमध्ये मिसळाल.
• ऑफिसमध्ये घरगुती गोष्टी किंवा पर्सनल गोष्टींवर चर्चा करू नये.
• जर तुम्हाला ऑफिसच्या कामासंबंधात एखादी गोपनीय माहिती माहित असेल तर घरी आल्यावर आपल्या जोडीदाराला सांगणे गरजेचे नाही, हे लक्षात घ्या. कारण दोघांच्याही करिअरसाठी कामाच्या ठिकाणी प्रामाणिकपणा महत्त्वाचा आहे.
• घरी येताना ऑफिस कलीग म्हणून नाही तर पती-पत्नी म्हणून घरी या.
• ऑफिसमध्ये न बोलता घरी आल्यावर कामाच्या ठिकाणचा अनुभव तुम्ही एकमेकांशी शेअर करू शकता.
• जर जोडीदाराला कामात मदत हवी असल्यास नक्की करा. पण, कामात ढवळाढवळ न करता जोडीदाराला स्वत:चे काम पूर्ण करण्याची संधीसुद्धा द्या.
• कामाच्या ठिकाणी येणाऱ्या अडचणींवर मात करण्यासाठी एकत्र काम करा.
• एकमेकांना प्रोत्साहन द्या आणि कायम आनंदी राहण्याचा प्रयत्न करा.

हेही पाहा –