इराण आणि इस्रायलमध्ये भीषण युद्ध झालं, या युद्धामध्ये दोन्ही देशांचं मोठं नुकसान झालं आहे. अखेर आता दोन्ही देशांकडून युद्धविरामाची घोषणा करण्यात आली आहे. युद्धवीरामानंतर आता इराणने अफगाणिस्तानविरोधात मोठं पाऊल उचललं आहे. सध्या अफगाणिस्तानमध्ये तालिबाणची सत्ता आहे. युद्धात मदत केली नाही, इराणला समर्थन दिलं नाही म्हणून इराणने ही कारवाई सुरू केल्याचं बोललं जात आहे, इराणमध्ये अवैध मार्गानं घुसखोरी केलेल्या अफगाणी नागरिकांची इराणमधून हकालपट्टी सुरू आहे, तर दुसरीकडे तेहरामध्ये आलेल्या अनेक अफगाणिस्तानी नागरिकांना अटक करण्यात आली आहे.
मिळत असलेल्या माहितीनुसार शेजारी राष्ट्र असून देखील अफगाणिस्तानने युद्धादरम्यान इराणची कोणतीच मदत केली नाही, त्यांना समर्थन दिलं नाही, म्हणून ही कारवाई करण्यात आली आहे. इराण सध्या अफगाणिस्तान विरोधात कडक भूमिका घेण्याच्या तयारीमध्ये आहे.
आतापर्यंत काय कारवाई केली?
बीबीसी पर्सियनने दिलेल्या वृत्तानुसार तेहरामध्ये पाच अफगाणिस्तानी नागरिकांना अटक करण्यात आली आहे. हे सर्व मोसादचे हेर असल्याचा त्यांच्यावर आरोप आहे. याबाबत बोलताना तालिबानचे प्रवक्ते मुजाबिद यांनी म्हटलं आहे की, इराणमध्ये सुरू असलेल्या घडामोडींवर आम्ही लक्ष ठेवून आहोत, पाहू पुढे काय होतं ते अशी प्रतिक्रिया यावर आफगाणिस्तानकडून देण्यात आली आहे.
दुसरीकडे टोलो न्यूजने दिलेल्या वृत्तानुसार इराणकडून अफगाणिस्तानवर कारवाईला सुरुवात झाली आहे. इराणने अफागाणिस्तानच्या नागरिकांच्या अटकेमध्ये चार पटीनं वाढ केली आहे. या सर्व लोकांना नियमांचं उल्लंघन केल्याच्या आरोपाखाली अटक करण्यात आली आहे, मात्र ज्यांना अटक करण्यात आली आहे, ते लोक आधीपासूनच इराणमध्ये शरणार्थी म्हणून राहात होते, आतापर्यंत तब्बल तीस हजार अफागाणिस्तानी नागरिकांना इराणकडून बाहेरचा रस्ता दाखवण्यात आला आहे, तर अनेकांना अटक करण्यात आली आहे.
युद्धात इराणचं प्रचंड नुकसान
इस्रायलसोबत झालेल्या युद्धामध्ये इराणचं प्रचंड नुकसान झालं आहे, इस्रायलसोबत अमेरिकेकडून देखील इराणवर हल्ला करण्यात आला, अमेरिकेकडून इराणच्या अणू केंद्रांना लक्ष्य बनवण्यात आलं.
