जो लोकांना ‘शहादत’च्या नावाखाली मरण्यासाठी पाठवत होता, तोच मसूद अजहर आज मृत्यूच्या भीतीने पळत फिरत आहे. एकेकाळी पाकिस्तानात बसून भारताविरुद्ध कट रचणारा जैश-ए-मोहम्मदचा कमांडर आज आपला भाऊ मौलाना तल्हा आसिफ याला घेऊन अफगानिस्तानात लपला आहे. याचे सर्वात मोठे कारण म्हणजे ऑपरेशन सिंदूर. भारताकडून दहशतवादाविरुद्ध चालवलेल्या या जोरदार प्रत्युत्तर मोहिमेने दहशतवाद्यांचे धाबे दणाणले आहेत. गुप्तचर सूत्रांनुसार, मसूद अजहरला भीती आहे की भारतीय यंत्रणा पुन्हा एकदा दहशतवादी ठिकाणांवर मोठा हल्ला करू शकतात. अशा परिस्थितीत तो आपल्या मृत्यूमुखी पडलेल्या नातेवाईकांप्रमाणे ‘सिंदूर’च्या आगीत जळू नये याची काळजी घेत आहे.

असे सांगितले जाते की, अजहर सध्या अफगानिस्तानच्या खोस्त प्रांतातील गुरबुज जिल्ह्यात लश्कर-ए-तैयबाच्या एका प्रशिक्षण शिबिरात लपला आहे. हृदयाच्या गंभीर आजाराशी झुंजणाऱ्या अजहरला कराचीला यावे-जावे लागते, जिथून तो गुपचूप औषधे घेतो. त्याची प्रकृती इतकी खराब आहे की डॉक्टरांनी त्याला बोलण्यासही मनाई केली आहे. ऑपरेशन सिंदूरमध्ये अजहरच्या कुटुंबातील अनेक लोकांचा मृत्यू झाला होता. दरम्यान, त्याने आपला धाकटा भाऊ मौलाना तल्हाला अफगानिस्तानात नेले आहे आणि त्याला दहशतवादी शिबिरांची जबाबदारी सोपवली आहे. पाकिस्तानला चांगलेच माहित आहे की भारत आता ‘इशारे’ देत नाही, तर थेट कारवाई करतो. हीच भीती आता मसूद अजहरसारख्या क्रूर दहशतवाद्यांना शांत झोपू देत नाही.

वाचा: ‘माझ्यासोबत एक रात्र घालव, तुला 40,000 देईन…’, सासऱ्यानेच दिली अशी ऑफर, सुनेने थेट…

तालिबानशी जुनी ‘मैत्री’ पुन्हा उपयोगी

अफगान तालिबान सरकार जरी उघडपणे सांगत असले की ते कोणत्याही दहशतवादी संघटनेला आश्रय देत नाही, तरी वास्तव हे आहे की तालिबानचे अनेक कमांडर जुन्या संबंधांमुळे अजहरसारख्या दहशतवाद्यांना आश्रय देत आहेत. त्याचप्रमाणे काश्मीरमधील अलकायदाची शाखा ‘लश्कर-ए-गजवात-उल-हिंद’चा मोठा चेहरा डॉ. अब्दुल रऊफ सध्या अफगानिस्तानच्या कुनार प्रांतात लपला आहे. त्याने तिथल्या एका दहशतवादी प्रशिक्षण केंद्रात आपला ठावठिकाणा बनवला आहे.

‘ऑपरेशन सिंदूर’मुळे घाबरलेले दहशतवादी

भारतीय गुप्तचर यंत्रणांच्या ‘ऑपरेशन सिंदूर’सारख्या रणनीतीने त्या दहशतवादी अड्ड्यांना थेट लक्ष्य केले आहे, ज्यांना यापूर्वी कोणीही हात लावू शकत नव्हते. त्यामुळेच आता तो दहशतवादी म्होरक्या, जो एकेकाळी माइकवर उभा राहून ‘72 हूर’च्या गोष्टी सांगायचा, तो आज भीतीने एका ठिकाणाहून दुसऱ्या ठिकाणी पळत आहे. ज्यांना ‘शहादत’साठी पाठवले जायचे, तोच म्होरक्या आता स्वतःचा जीव वाचवण्यासाठी दरवाज्यांवर ठोकर खात आहे.