मुंबई : शेअर बाजारात कितीही चढ-उतार आले तरी काही शेअर्स तेजी नोंदवतात. असाच एक मल्टीबॅगर शेअर दररोज अप्पर सर्किटला धडक देत आहे. या शेअर्सने अवघ्या १५ महिन्यांत गुंतवणूकदारांना करोडपती बनवले आहे. हा शेअर्स नाव कोठारी इंडस्ट्रियल कॉर्पोरेशन लिमिटेडचा आहे. शुक्रवारी हा शेअर २ टक्क्यांच्या अप्पर सर्किटसह ४६३.२५ रुपयांवर बंद झाला.



६ महिन्यांत ५ पट वाढ

Kothari Industrial Corporation च्या शेअर्सने फक्त ६ महिन्यांत गुंतवणूकदारांचे पैसे ५ पटीने वाढवले आहेत. शेअर्सची ६ जानेवारी रोजी किंमत ८६.४३ रुपये होती. आता हा शेअर ४६३.२५ रुपयांवर आला आहे. गुंतवणूकदारांना ४३५ टक्के परतावा मिळाला आहे. तुम्ही ६ महिन्यांपूर्वी त्यात १ लाख रुपये गुंतवले असते तर ती रक्कम ५ लाख रुपयांपेक्षा जास्त झाली असती. म्हणजे ४ लाख रुपयांपेक्षा जास्त फायदा झाला असता.

शेअर्सचा परतावा

Kothari Industrial Corporation शेअर्सने एका वर्षातही गुंतवणूकदारांना जबरदस्त परतावा दिला आहे. एक वर्षापूर्वी शेअर्सची किंमत ९.२८ रुपये होती. एका वर्षात त्याचा परतावा ४८९० टक्के आहे. म्हणजेच एका वर्षात गुंतवणूकदारांचे १ लाख रुपये सुमारे ५० लाख रुपयांमध्ये रूपांतरित झाले आहेत.



कोठारी इंडस्ट्रियलच्या शेअर्सनी १५ महिन्यांत गुंतवणूकदारांना करोडपती बनवले आहे. गेल्या वर्षी ३ एप्रिल रोजी त्याची किंमत १.९८ रुपये होती. तेव्हापासून, १५ महिन्यांत या शेअर्सने २३२९६ टक्के परतावा दिला आहे. तुम्ही १५ महिन्यांपूर्वी त्यात १ लाख रुपये गुंतवले असते, तर आज ती रक्कम सुमारे २.३३ कोटी रुपये झाली असती. फक्त १ लाख रुपये गुंतवले असते तर १५ महिन्यांत २ कोटी रुपयांपेक्षा जास्त नफा झाला असता.



कंपनीबद्दल

ही कंपनी खत निर्मिती आणि मिश्रणाचे काम करते. कंपनी ड्रोन सेवा देखील प्रदान करते. या व्यतिरिक्त कंपनीचे इतर अनेक व्यवसाय आहेत. बीएसईच्या अधिकृत वेबसाइटनुसार, कंपनीचे मार्केट कॅप ४३४२.१९ कोटी रुपये आहे.