वंचितसोबत बिघाडी झाल्यानंतर एमआयएमने शोधला नवा सोबती

संभाजीनगरमध्ये जलील यांच्या घरी झाली पहिली बैठक

स्थानिक स्वराज्यसंस्थेच्या निवडणूकामध्ये दलित मुस्लिम मतांची बांधण्याचा प्रयत्न

चंद्रशेखर आजाद (रावण ) यांच्या आझाद समाज पार्टी सोबत झाली बैठक

आझाद समाज पार्टी महाराष्ट्र प्रभारी गौरी प्रसाद उपास आणि इम्तियाज जलील यांच्यामध्ये बैठ

मराठी आणि हिंदीचा वाद सुरू असतानाच कल्याण मध्ये शेकडो उत्तर भारतीयांचा शिंदे यांच्या शिवसेनेत प्रवेश

उपमुख्यमंत्री एकनाथ शिंदे यांच्या "जय गुजरात, जय भारत" या घोषणेनंतर राज्यात राजकीय वातावरण तापले आहे. विशेषतः मराठी अस्मितेवरून ठाकरे गट आणि मनसेने आक्रमक भूमिका घेतली आहे. याच पार्श्वभूमीवर मुंबईतील वरळी डोम येथे राज ठाकरे आणि उद्धव ठाकरे यांच्या विजय मेळाव्यात मराठी भाषेच्या अवमानावरून शिंदे यांच्यावर जोरदार टीका झाली.मात्र दुसरीकडे, शिंदे गट मात्र आपली राजकीय गणितं नव्याने आखताना दिसतो आहे. कल्याण पश्चिमचे आमदार विश्वनाथ भोईर यांनी शहाड परिसरात आयोजित एका विशेष कार्यक्रमात काँग्रेसला मोठा झटका देत उत्तर भारतीय समाजातील अनेक प्रमुख पदाधिकारी व कार्यकर्त्यांना शिंदे यांच्या शिवसेनेत सामील करून घेतले.

Vidarbha: विदर्भातील सात जिल्ह्यात आज जोरदार पावसाचा इशारा

विदर्भातील सात जिल्ह्यात आज जोरदार पावसाचा इशारा हवामान विभागाने दिला आहे...

पूर्व विदर्भातील गडचिरोली, चंद्रपूर, गोंदिया, भंडारा, नागपूर, आणि वर्धा या सहा जिल्ह्यांसह पश्चिम विदर्भातील अमरावती अशा एकूण 7 जिल्ह्यासाठी हवामान विभागाने आजसाठी ऑरेंज अलर्ट जारी केला आहे..

तर पश्चिम विदर्भातील बुलढाणा, वाशिम, अकोला आणि यवतमाळ या जिल्ह्यांसाठी हवामान विभागाने येलो अलर्ट जारी केले आहे...

जून महिन्यात विदर्भातील फक्त बुलढाणा आणि वाशिम जिल्हे वगळून इतर सर्व जिल्ह्यांमध्ये सरासरीपेक्षा कमी पावसाची नोंद झाली होती.. मात्र जुलै महिन्यात पावसाने चांगलाच जोर धरला आहे..

इलेक्ट्रिक पावर ऑफ आयटी पार्क हिंजवडी सह माण आणि मारुंजी निवासी भागाला मोठा फटका.

हिंजवडी आयटी पार्क परिसरात मोठा इलेक्ट्रिक पावर ऑफ कालपासून झाला आहे. मेगा पोलीस सोसायटी जवळील महापारेषण च्या अतिउच्च दाब लाईनीमध्ये तांत्रिक बिघाड झाल्याने हिंजवडी परिसरात मागील 18 पासून मोठा इलेक्ट्रिक पावर ऑफ झाला आहे.

फ्रीवेवर मोठ्या प्रमाणात वाहतूक कोंडी

मुंबईच्या दिशेने वाहतूक कोंडी होत आहे

तसेच पर्यटक प्रवासी मुंबईच्या दिशेने आज सोमवार असल्यामुळे

तसेच पावसाळी अधिवेशन असल्यामुळे त्यामुळे अधिकारी मंत्रालयाच्या दिशेने जाण्यासाठी

वाहतूक कोंडीचा सामना करावा लागतो

फ्री वे जाम

एक ते दोन किलोमीटरच्या रांगाच रांगा

नंदुरबारमध्ये पर्यटन स्थळी जीव धोक्यात घालून पर्यटकांचा प्रवास...

नंदूरबार जिल्ह्यातील सातपुडा पर्वतरांगांमध्ये सध्या सुरू असलेल्या पावसामुळे निसर्गाचे सौंदर्य अधिकच खुलले आहे आणि यामुळे मोठ्या संख्येने पर्यटक वर्षा पर्यटनाचा आनंद घेण्यासाठी सातपुड्यात दाखल झाले आहेत. मात्र, या आनंदात काही प्रमाणात धोकाही दिसून येत आहे. अनेक पर्यटक आपला जीव धोक्यात घालून पुराच्या पाण्यातून प्रवास करत आहेत. विशेषत काही उत्साही पर्यटक जीवघेणी स्टंटबाजी करताना दिसत आहेत, ज्यामुळे अपघाताचा धोका वाढला आहे.

पैसे दुप्पट करण्याचे आमिष 300 कोटींची फसवणूक;शेकडो गुंतवणूकदार अडचणीत

एका वर्षात पैसे दुप्पट करण्याचे आणि गुंतवणुकीवर भरघोस मासिक परतावा देण्याचे आमिष दाखवून "ग्रो मोअर इन्व्हेस्टमेंट फायनान्स कंपनी"ने शिर्डीसह अनेक जिल्ह्यांतील शेकडो गुंतवणूकदारांची तब्बल 300 कोटींहून अधिक रकमेची फसवणूक केल्याचा धक्कादायक प्रकार उघडकीस आला आहे.. याप्रकरणी मुख्य सूत्रधार भूपेंद्र राजाराम सावळे पाटील याला शहादा येथे अटक झाली असून त्याच्यावर अहिल्यानगर जिल्ह्यातील शिर्डी आणि राहाता येथे देखील गुन्हे दाखल झाला आहे.

Kolhapur: कोल्हापूरात पावसाचा जोर ओसरला

कोल्हापूर जिल्ह्यात सुरू असलेल्या पावसाचा जोर गेल्या दोन दिवसांपासून ओसरला आहे. यामुळे कोल्हापुरातील पंचगंगा नदीची पातळी 1 फुटाणे उतरलेली आहे. पंचगंगा नदीची पातळी 31फूट 6 इंच झालेली आहे. सध्या कोल्हापूर जिल्ह्यातील 48 बंधारे पाण्याखाली आहेत. मात्र धरण क्षेत्रात तुरळ पावसाच्या सरी पडत आहेत.

विठुरायाच्या दर्शनासाठी रांगेत उभा असलेल्या भाविकाला सुरक्षा रक्षकाची काठीने बेदम मारहाण

मारहाणीत भाविक रक्तबंबाळ...

गोपाळपूर रोडवरील पत्राशेड येथील दर्शन बारीतील आज सकाळची घटना...

नागपूर येथील भाविकाच्या दंडावर आणि पाठीवर केली काठीने मारहाण...

भाविकाला झालेल्या मारहाणीचा भाविकांमधून तीव्र संताप,

कारवाईची मागणी ...

Navi Mumbai: नवी मुंबई शहरामध्ये चोरांचा सुळसुळाट

नवी मुंबई पोलिसांचे दुर्लक्ष

नवी मुंबई शहरामध्ये पोलिसांकडून कमी प्रमाणात पेट्रोलिंग करत असल्यामुळे त्यामुळे चोरांचा प्रमाणात मोठ्या प्रमाणात वाढ

नेरूळ येथील सेक्टर चार मध्ये चोरांच्या सुळसुळाट

Washim: शेतावर वन्य प्राण्यांचा हल्ला,सोयाबीन, तूर आणि कापूस पिकांचं मोठं नुकसान......

वाशिमच्या मंगरूळपीर व मानोरा तालुक्यातील शेतकऱ्यांवर आता नवीन संकट कोसळलं आहे. रोही या वन्य प्राण्यांचे मोठे कळप शेतांमध्ये शिरत असून, सोयाबीन, तूर, आणि कापसासारख्या पिकांचं मोठं नुकसान करत आहेत. एका कळपात ४० ते ५० रोही असल्याची माहिती समोर आली आहे. हे प्राणी शेतात घुसून उगवती पिकं फस्त करत आहेत, तुडवत आहेत आणि काही शेतांमध्ये तर पूर्ण पीक नष्ट झाल्याचं चित्र असून शेतकरी हवालदिल झालेत.शेतकऱ्यांकडून वन विभागाकडे या प्राण्यांचा तातडीने बंदोबस्त करण्याची मागणी केली जात आहे

वर्सोवा अंधेरी मेट्रोत तांत्रिक बिघाड,प्रवाशांची घाटकोपर स्टेशनवर गर्दी

वर्सोवा अंधेरी मेट्रोल तांत्रिक बिघाडा मुळे उशिराने धावत आहे .. त्यामुळे असंख्य प्रवासी घाटकोपर स्थानका मधे अडकले आहेत … -

धाराशिव जिल्ह्यात पावसाअभावी खरीप पेरण्यांना लागला ब्रेक, १० टक्के पेरण्या बाकी

धाराशिव जिल्ह्यात पावसाने गेली 22 दिवसापासून अपवाद वगळता मोठा ब्रेक दिला असुन त्यामुळे जिल्ह्यातील १० टक्के पेरण्या खोळंबल्या आहेत.जिल्ह्यात ९० टक्के पेरण्या पुर्ण झाल्या आहेत माञ उर्वरित पेरण्यासाठी आता पावसाची प्रतिक्षा आहे.जुनच्या पहील्या आठवड्यानंतर पावसाने ओढ दिली आहे.मागील तीन चार दिवसांपुर्वी पावसाचे वातावरण तयार झाले माञ अपवाद वगळता जिल्ह्यात पाऊस झालेला नाही.त्यामुळे सुरूवातीला मोठी आघाडी घेतलेल्या पेरण्यांना मोठा ब्रेक लागला आहे. जिल्ह्याच खरीपाचे सर्वसाधारण क्षेत्र ५ लाख ५४ हजार १६० हेक्टर आहे. जिल्ह्यात सध्या ढगाळ वातावरण असुन शेतकऱ्यांना पावसाची प्रतिक्षा लागली आहे.

Khadakwasla: खडकवासला धरण साखळी क्षेत्रात जोरदार पाऊस

सकाळी खडकवासला धरणातून ४ हजार क्युसेक्स पाण्याचा विसर्ग सुरू

खडकवासला वरसगाव पानशेत आणि टेमघर या चार धरणात एकूण ६६ टक्के पाणीसाठा

गेल्या वर्षी च्या तुलनेत तीन पट पाण्यासाठी जास्त

सकाळपासून पुणे शहरात काही ठिकाणी पाऊस सुरू

नागपुरात सकाळपासूनच पावसाला सुरुवात

नागपुरात सकाळपासून मध्यम स्वरूपाचा पावसाला सुरुवात झालेली आहे गेल्या अनेक दिवसांपासून पावसाची प्रतीक्षा होती मात्र आज सकाळपासून सुरू झालेला

तेच पुढील 48 तासापर्यंत हवामान विभागाकडून विदर्भासाठी ऑरेंज अलर्ट सुद्धा जारी करण्यात आला आहे...

रिमझिम हलका स्वरूपाचा सुरू असलेला पाऊस हा शेतीसाठी उपयोगी असा पाऊस आहे..

पुढील तीन ते चार दिवस मुसळधार पावसाचा अंदाज जो आहे तो हवामान विभागाकडून देण्यात आला आहे

Washim: वाशिमच्या पंचायत समितीच्या मुख्य प्रवेशद्वारासमोर डबक्यांचं साम्राज्य...

वाशिम शहरातील पंचायत समितीच्या मुख्य प्रवेशद्वारासमोर साचलेल्या पाण्यामुळे नागरिकांचे हाल सुरू आहेत. सततच्या पावसामुळे परिसरात चिखल आणि डबक्यांचं साम्राज्य निर्माण झालं आहे. या दयनीय स्थितीकडे प्रशासनाचे दुर्लक्ष होत असल्याने महिला आणि ज्येष्ठ नागरिकांना प्रचंड त्रास सहन करावा लागत आहे.

Pandharpur: पंढरपूर वरून परतणाऱ्या एस टी बसचा अपघात

चिखली जवळ महाबीज कार्यालयासमोर एस टी बस दुभाजकावर आढळून झाली पलटी. .,

हा अपघात आज सकाळी रात्री 2 वाजताच्या सुमारास झाला..

अपघातात जवळपास 30 प्रवाशी भाविक जखमी ..

जखमीवर चिखली आणि बुलढाणा रुग्णालयात उपचार सुरू ..

बस पंढरपूर वरून खामगाव जात होती ..

बसमध्ये 51 भाविक प्रवास करत होते.

पंढरपूर सोहळा आटोपून भाविक घरी जात असताना घडली घटना ..

Nagpur: नागपुरात आज सकाळपासून पावसाची संततधार सुरू

नागपुरात आज सकाळपासून पावसाची संततधार सुरू असून सकाळपासून हलक्या ते मध्यम स्वरूपाचा पाऊस सुरू आहे..

हवामान विभागाने आज नागपूर सह पूर्व विदर्भातील सर्व सहा जिल्ह्यात तसेच पश्चिम विदर्भातील अमरावती जिल्ह्यासाठी ऑरेंज अलर्ट जारी केला आहे..

पूर्व विदर्भात सर्वत्र ढगाळ वातावरण असून आज दमदार पावसाची अपेक्षा आहे..

Nashik: नाशिक जिल्ह्याला मुसळधार पावसाने झोडपलं

- धरणांच्या पाणलोट क्षेत्रासह जिल्ह्यातील अनेक भागात मागील २ दिवसांपासून जोरदार पाऊस

- गंगापूर धरणातून ५,१८६ क्यूसेक वेगानं गोदावरी नदीपात्रात पाण्याचा विसर्ग

- नाशिकमध्ये गोदावरीची पूरपरिस्थिती कायम, दुतोंड्या मारुतीच्या बेंबीपर्यंत गोदावरीच्या पुराचं पाणी

- रामकुंड, गोदा घाटावरील अनेक मंदिरं पुराच्या पाण्याखाली तर अनेक मंदिरांना पुराच्या पाण्याचा वेढा

- पुढील २ ते ३ दिवस नाशिकला पावसाचा अलर्ट, पावसाचा जोर वाढल्यास विसर्ग आणखी वाढवणार

- नदीकाठच्या नागरिकांना सतर्कतेचा इशारा

पवना धरणात 76 टक्के पाणीसाठा

,मावळच्या घाट माथ्यावर सुरू असलेल्या जोरदार पावसामुळे धरणांच्या पाणी पातळीमध्ये मोठ्या प्रमाणात वाढ झाली आहे. पवना धरणात सध्या 76.22% पाणीसाठा झाला आहे. त्यामुळे मावळ आणि पिंपरी चिंचवड शहरातील नागरिकांचा पाण्याचा प्रश्न मिटला आहे. मात्र धरणामध्ये येत असलेल्या पाण्याचे प्रमाण व धरणातील साठा याचा समतोल राखण्यासाठी धरना मधून 2800 क्लूसेक्स पाण्याचा विसर्ग सुरू करण्यात आला आहे. मात्र घाट माथ्यावरील पावसाचे प्रमाण व धरणात येत असलेल्या पाण्याचे प्रमाण लक्षात घेता धरणाच्या सांडव्यावरून पाणी कमी जास्त करण्यात येणार आहे...

इतिहासात प्रथमच दुष्काळी जत तालुक्यात बोटिंगच्या स्पर्धा..

सांगली जिल्ह्यातील दुष्काळी जत तालुक्यात इतिहासात प्रथमच बोटिंगच्या स्पर्धा भरवण्यात आल्या. भाजपा आमदार गोपीचंद पडळकर यांच्याकडून या स्पर्धा घेण्यात आले आहेत. तलावामध्ये या राज्यस्तरीय कयाकिंग बोटिंग स्पर्धांचे आयोजन करण्यात आलं होते. तर आमदार सदाभाऊ खोत आणि आमदार गोपीचंद पडळकर यांच्या हस्ते उद्घाटन पार पडले आहे. या स्पर्धा दुष्काळ भागात प्रथमच पाहण्यासाठी तालुक्यातील शेतकऱ्यांनी मोठ्या संख्येने हजेरी लावली होती.

Uddhav Thackeray: उद्धव ठाकरे तर सूर्याजी पिसाळाची औलाद - गोपीचंद पडळकरांची उद्धव ठाकरेंवर जहरी टीका..

उद्धव ठाकरे हे सूर्याजी पिसाळाची औलाद आहे,अश्या जहरी शब्दात भाजपा आमदार गोपीचंद पडळकरांनी उद्धव ठाकरेंवर टीका केली आहे.2019 मध्ये जनतेने देवेंद्र फडणवीसांना मुख्यमंत्री होण्याचे बहुमत दिलेला असताना उद्धव ठाकरेंनी काँग्रेस सोबत अनैसर्गिक युती करत सूर्याजी पिसाळाचे काम केले होते,आता मातोश्रीवर व उध्दव ठाकरेंना भेटायला कोण जात नाही,त्यामुळे उद्धव ठाकरेंचे मानसिक संतुलन बिघडला असून ते वैफल्यग्रस्त बनले आहेत,अशी टीका देखील गोपीचंद पडळकर यांनी केली आहे. उद्धव ठाकरेंनी मुख्यमंत्री देवेंद्र फडणवीस यांच्यावर अनाजीपंत म्हणून केलेल्या टिकेवरून हा निशाणा साधला आहे,ते सांगलीच्या जत मध्ये होते.

Maharashtra Live News Update : 48 तासांसाठी विदर्भात पावसाचा ऑरेंज अलर्ट

- येत्या 24 ते 48 तासांसाठी विदर्भात पावसाचा ऑरेंज अलर्ट.... सकाळ पासूनच रिमझिम पावसाला सुरवात..

- पूर्व विदर्भात दोन ढगाळ वातावरण राहिलेले ढग मुसळधार बरसण्याची शक्यता आहे

- आज चंद्रपूर, गडचिरोली आणि गोंदियात अत्याधिक पाऊस होण्याचा अंदाज आहे

- तर उद्या नागपूर, अमरावती, चंद्रपूर, गडचिरोली या जिल्ह्यात मुसळधार पाऊस कायम राहील असा इशारा हवामान विभागाने दिला आहे

- नागपूर, वर्धा,भंडारा, गडचिरोली मध्ये रविवारपासून पावसाची रिपरिप सुरू आहे

डोंगरगांव येथे आढळला दहा फूटांचा अजगर ; सर्पमित्राने अजगरास सुरक्षितपणे नैसर्गिक अधिवासात सोडले

डोंगरगाव वरचीवाडी येथे चावडीजवळच्या पडीक शेतात अकरा किलो वजनाचा व दहा फुट लांबी असलेला अजगर ग्रामस्थांना आढळला ग्रामस्थांनी सर्पमित्र मंगेश पटेकर यांना याबाबत माहिती दिली. सर्पमित्र मंगेश पटेकर यांनी ग्रामस्थांच्या सहकार्याने या अजगरास पकडून त्याला सुरक्षितपणे त्याच्या नैसर्गिक अधिवासात सोडले. यावेळेस माजी उपसरपंच रामदास पडवळ ग्रामस्थ शंकर शेजवळ् सोपान पडवळ ज्ञानेश्वर भांगरे रामभाऊ शेजवळ नारायन निबुदे दिनकर भांगरे ज्ञानेश्वर पडवळ लक्ष्मण लायगुडे विश्वनाथ पडवळ ज्ञानेश्वर जाधव अविनाश निबुदे उपस्थित होते.

पालघर एमआयडीसीमध्ये कंपनीला भीषण आग

पालघर - पालघर मधील धनसार येथील एमआयडीसीतील कंपनीला मध्यरात्रीच्या सुमारास भीषण आग . प्लॅटिनम पॉलिमर्स या कंपनीला मध्यरात्री तीन वाजताच्या सुमारास भीषण आग. अग्निशमन दलाच्या दोन गाड्या घटनास्थळी दाखल . आगीवर नियंत्रण मिळवण्यात अग्निशमन दलाला यश. सुदैवाने कुठेही जीवितहानी झाली नसल्याची प्राथमिक माहिती. शॉर्ट सर्किटमुळे आग लागल्याचा प्राथमिक अंदाज .

पालघरमध्ये मुसळधार पाऊस

पालघर _ सतत दोन दिवस बरसणाऱ्या पावसाने रात्रीपासून उसंत घेतल्याचं दिसत आहे.दोन दिवसांपासून सुरू असलेल्या पावसाने जिल्ह्यातील धरणे तुडुंब भरली असून धरणातून पाण्याचा विसर्ग सुरू आहे. त्यामुळे सूर्या आणि वैतारणा नदी पात्रामध्ये पाण्याची वाढ झालेली आहे. प्रशासना नदीकाठच्या गावांना सतर्कतेचा इशारा दिला आहे. तर आजही पावसाची शक्यता हवामान खात्याने वर्तवली असल्यामुळे पालघर जिल्ह्यातील सर्व शाळा, अंगणवाडी यांना जिल्हाधिकारी यांनी सुट्टी जाहीर केली आहे. आवश्यकता असेल तरच घराबाहेर पडा अन्यथा घराबाहेर पडू नका असा आव्हान जिल्हा प्रशासनाकडून करण्यात आला आहे.

Maharashtra Live News Update : नवी मुंबईतील तुर्भे एसटी बस आगारात भीषण आग

एसटीच बंद आगराला लागली आग

मात्र आगारात मोठ्याप्रमाणात ट्रक आणि कारची पार्किंग असल्याने वाहनांची मोठ्याप्रमाणात नुकसान झाल्याची शक्यता आहे

वाशी नेरूळ आणि ऐरोली अग्निशमन दलाच्या गाड्या घटनास्थळी दाखल

आगाराच्या आगीत स्फोट होत असल्याने नागरिकांमध्ये भीतीचे वातावरण

अशोक सराफ मराठी कला क्षेत्रातील कोहिनूर हिरा- एकनाथ शिंदे

पद्मश्री अशोक सराफ हे मराठी क्षेत्रातील कोहिनुर हिरा असून ते मराठी कला सृष्टीतील विद्यापीठ आहे. अशोक सराफ आणि अक्षराचे जादुगार अच्युत पालव या दोघांनी महाराष्ट्रची मान उंचावली आहे असे राज्याचे उपमुख्यमंत्री एकनाथ शिंदे म्हणाले. अखिल भारतीय मराठी नाट्य परिषद नवी मुंबई शाखेच्या वतीने कला सेवकांचा नागरी सन्मान सोहळा कार्यक्रम अखिल भारतीय महाराष्ट्र नाट्यपरिषद कार्यकारणी सदस्य विजय चौगुले यांनी आयोजित केला होता. यावेळी महाराष्ट्र भूषण सिने अभिनेते अशोक सराफ व सुलेखनकार अच्युत पालव यांचा भारत सरकारने पद्मश्री पुरस्कारने गौरविल्याबददल उपमुख्यमंत्री एकनाथ शिंदे यांच्या हस्ते त्यांना गौरवण्यात आले.

बिबट्याचं पिल्लू अखेर राष्ट्रीय उद्यानात

अवघ्या 15 ते 20 दिवसांचं बिबट्याचं पिल्लू लांजा-पुनस-रत्नागिरी मार्गावर पुनस येथे 4 जून रोजी सापडलं होतं. त्यानंतर जंगलमय भागात बिबट्याच्या पिल्लाला आईबरोबर पुनर्भेटीसाठी ठेवण्यात आलं होतं. परंतु, पिल्लाची आईशी भेट झाली नाही. त्यानंतर पिल्लाला लांजा वनविभागाच्या देखरेखीखाली ठेवण्यात आलं होतं. या पिल्लाची आईशी भेट न झाल्याने तब्बल 25 दिवसानंतर 2 जुलै रोजी मुंबई-बोरिवली येथील संजय गांधी उद्यानात पाठवण्यात आलं आहे.

पावसमध्ये बर्निंग कारचा थरार

रत्नागिरी तालुक्यातील पावसमध्ये बर्निंग कारचा थरार पाहायला मिळाला. रत्नागिरीच्या दिशेने जाणा-या एका ओमनी गाडीने अचानक पेट घेतला. पावसमधील रस्त्यावर ही दुर्घटना घडली. या दुर्घटनेत गाडी जळून खाक झाली आहे. सुदैवाने या दुर्घटनेत कोणतीही जीवितहानी झालेली नाही. शॉर्टसर्किटने ही आग लागल्याची प्राथमिक माहिती असून, ही गाडी मेर्वी गावातील आहे.