मुंबई : लेदर इंडस्ट्रीशी संबंधित एकेआय इंडियाच्या शेअर्समध्ये प्रचंड वाढ दिसून येत आहे. कंपनीचे शेअर्स सलग दुसऱ्या दिवशी २० टक्क्यांच्या अप्पर सर्किटवर पोहोचले. मंगळवारी बीएसईमध्ये कंपनीचे शेअर्स २० टक्क्यांनी वाढून १३.७६ रुपयांवर गेले. सोमवारी AKI India चे शेअर्सही २० टक्क्यांनी वाढून ११.४७ रुपयांवर बंद झाले. या छोट्या कंपनीच्या शेअर्समध्ये ५ दिवसांत ६० टक्क्यांनी वाढ झाली आहे. एकेआय इंडिया लेदर आणि लेदर उत्पादनांच्या उद्योगात गुंतलेली आहे.



७३ टक्के वाढ

AKI India च्या शेअर्समध्ये ५ दिवसांत ६० टक्क्यांची मोठी वाढ झाली आहे. २ जुलै २०२५ रोजी हा पेनी स्टॉक ८.६० रुपयांवर होता. तर ८ जुलै २०२५ रोजी कंपनीचे शेअर्स १३.७६ रुपयांवर पोहोचले आहेत. कंपनीच्या शेअर्समध्ये ३० जूनपासून ७३ टक्क्यांहून अधिक वाढ झाली आहे. मंगळवारी कंपनीचे मार्केट कॅप १२१ कोटी रुपयांच्या पुढे गेले. एकेआय इंडियाच्या शेअर्सची ५२ आठवड्यांची उच्चांकी पातळी २५.६० रुपये आहे. तर ५२ आठवड्यांची नीचांकी पातळी ६.९६ रुपये आहे.

शेअर्सचा परतावा

पाच वर्षांपेक्षा कमी कालावधीत एकेआय इंडिया लिमिटेडच्या शेअर्समध्ये ६३२ टक्क्यांनी वाढ झाली आहे. ३ नोव्हेंबर २०२० रोजी या कंपनीच्या शेअर्सची किंमत १.८८ रुपये होती. ८ जुलै २०२५ रोजी कंपनीचे शेअर्स १३.७६ रुपयांवर पोहोचले. गेल्या चार वर्षांत कंपनीच्या शेअर्समध्ये १४७ टक्क्यांनी वाढ झाली आहे. मात्र, गेल्या एका वर्षात कंपनीचे शेअर्स ४३ टक्क्यांहून अधिक घसरले आहेत. सहा महिन्यांत कंपनीच्या शेअर्समध्ये १४ टक्क्यांहून अधिक वाढ झाली आहे.

बोनस शेअर्सही दिले

एकेआय इंडियाने आधीच त्यांच्या शेअरहोल्डर्सना बोनस शेअर्स दिले आहेत. तसेच स्टॉक स्प्लिटही केले आहे. कंपनीने जुलै २०२२ मध्ये गुंतवणूकदारांना ३:१० च्या प्रमाणात बोनस शेअर्स दिले. म्हणजेच प्रत्येक १० शेअर्समागे ३ बोनस शेअर्स दिले. याशिवाय, कंपनीने जून २०२३ मध्ये स्टॉक स्प्लिट केले. कंपनीने तिचे शेअर्स ५ भागांमध्ये विभागले.